Salmos 71:15 - Chuj San Sebastian Bible

¹⁵ Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.

Chuj San Mateo Bible

¹⁵ Masanil tiempo ol valel yab'ixal a tojolal yed' a colval, vach'chom max nachaj vuuj smasanil.

Salmos 71:15 Referans Kwoze

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Salmos 35:28

Mamin, 'oj wal-l a tojlal 'a smasnil tiempo; 'a junjn c'u 'oj wal wach' paxti 'ayach.

Salmos 145:2

'A junjn c'u 'oj wal wach' paxti 'ayach, 'oj ach in b'itnoc 'a smasnil tiempo.

Salmos 71:8

Smasnil c'u tzach in b'itnej, yic tzwi'n chan̈ a b'i.

Salmos 89:16

A wal 'a a b'i, ata tzyac' eb' tzaljoc sc'ojl 'a smasnil tiempo, ax a tojlal a chi 'oj 'i'noc chan̈ eb'.

Salmos 71:24

'Oj wal-l pax a tojlal 'a junjn c'u, ax eb' tznib'n b'onc tas tu 'a in patic, somchj cab' 'el eb', q'uixw cab' pax 'el eb'.

Salmos 30:12

Ma'oj stac' to sictac 'oj waji. 'Oj ach in b'itnoc, ax waln wach' paxti 'aych 'a smasnil tiempo.

Salmos 40:12

Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

Jueces 5:11

Caw najt tz'at sjaj te son eyu'uj, yet' jun tzo'n̈ q'uen platillo 'aj 'ay a 'uc'b'il a', alc 'el sjelnal Jehová yujto xyac' ganar owal, xyac' ganar yi'n can pax 'ec' yaldeail chon̈b' Israel.

1 Cr 16:23

Qui masnil an̈ cajn on̈ 'a sat lum lum tic, b'itn coyc 'a Jehová. Junjn c'u tzcaln 'el yab'xil colnb'il tzyac'a.

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Salmos 51:16

Yujto ach tic, matz a nib'j ofrenda yet' no xajmb'al. Q'uinloc tzyal a c'ojol, to 'ixta', tzwac'a; ocxo jun matz tzchaj a c'ojl jun tzo'n̈ cha.

Salmos 73:28

Palta an xo tic ach in Diosal, tzin nitz 'ochch in b'a 'a a tz'ey, yujto a jun chi yel xo wach' 'ayin. Mamin Jehová 'aychn̈ej 'och yipc in c'ojol, 'oj wal-l yab'xil smasnil tas wach' a b'ojnac.

Pr 5:2

sec 'ixta 'oj 'aj snachj 'el o'oj, ax sta'n a paxtin yet' a jelnal.