Salmos 68:5 - Chuj San Sebastian Bible

⁵ A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Chuj San Mateo Bible

⁵ A Dios, cajanec' d'a scajnub', aton b'aj tz'och ejmelal d'ay. Mamab'il yaj d'a eb' man̈xalaj smam, Scolumal yaj pax d'a eb' ix ix chamnacxo yetb'eyum.

Salmos 68:5 Referans Kwoze

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Jeremías 49:11

Can cab' eb' eyunnal meb'a'il, an 'oj in tan̈wc eb', ax eb' 'ix 'ix chamnc yichmil, tztac' in ya'n 'och eb' 'ix yipc sc'ojol, xchi Dios.

Dt 10:18

Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'.

Jeremías 5:28

Caw b'a'ch eb' ya'n servil sb'a. Man̈x yalnb'ilc smaysch'olnilal eb'; matz b'o eb' yaj eb' meb'a 'unn chamnc smam, matz b'o eb' yaj eb' meb'a 'a stojlal.

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Salmos 72:4

Wach' cab' tzyutj win rey tic sb'on yaj eb' meb'a'. A eb' 'ay tas 'ay sc'a'l tz'och yu'uj, colx cab' 'el yunnal eb' yu'uj. Ax pax eb' 'ixtm 'anma', satx cab' 'el eb' yu'uj.

Salmos 10:18

Ach tza b'oyaj eb' meb'a 'unn chamnc smam, yet' eb' 'anma tz'ixtxi, yic wach' a eb' 'anma tu snab'en, eb' to chamlb'a yaji, man̈xtzac xib'tx eb' 'emmquilal yec' yuj eb'.

2 Cr 6:2

Palta an tic, 'ix in b'o jun atut caw man̈x jantcoc swach'il, 'a 'aj tzach 'aji, jun et'l 'aj 'oj a can cajn 'a smasnil tiempo, xchi.

Ef 5:1

An̈ec tic, yunnaln̈ec xo Dios ticnec, chamc'ojlb'iln̈ec xo yu'uj. Yuj cha, yowlal tzqui b'eylb'ejc 'icha sb'eyb'al.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Salmos 33:14

Ata tzon̈ yil 'emt qui masnil an̈ cajn on̈c 'a sat lum lum tic.

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

Os 14:3

A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

Dt 26:15

'Ilt on̈ 'emt 'a satchan̈ 'aj 'aych 'ec' 'a et'l to ecn̈ej yaji. Tza'n cot a yaxilal 'a quib'n̈ an̈ israel on̈ tic on̈, yet' 'a yib'n̈ lum lum xac' 'ayn̈ tic on̈, lum caw yax sat, 'icha wal otjnac aln can 'a eb' qui mam quichm on̈, xe chi 'a 'a.

Ex 3:15

'Ix yaln pax Jehová 'ixtc 'a Moisés: —Al 'ixtc 'a eb' et chon̈b' cha: A Jehová qui Diosalec yet' eb' qui mam quichmec, atn Abraham, Isaac yet' Jacob, a in checn cot colwjoc 'ayex, xa chi 'a eb'. A 'in b'i tic, 'ayc' 'a jun 'ejmn̈ej; 'oj b'inaxc 'a smasnil tiempo yuj eb' eyin̈tl b'aq'uin̈.

Salmos 118:19

Jacx cab' spuertail yatut Dios 'ayin, yujto tzin nib'j tzin 'och 'a yojol, yic tzwa'n yuj diosal 'a 'a.

Salmos 150:6

Smasnil cab' tas tzyij yic', b'itn cab' 'a Jehová. ¡Alx cab' wach' paxti 'a Jehová!

Is 12:4

Yuj cha, ax eyaln 'ixtic: Calc yuj diosal 'a Jehová, calc wach' paxti 'a sb'i 'a scal eb' 'anma', yujto caw wach' tzon̈ yutjec, qui nac coti, to niwn yel'ch 'a quib'n̈ec.