Salmos 68:16 - Chuj San Sebastian Bible

¹⁶ Ax cajn ex 'a eb' lum jolmctac witz cha, ¿tas wal yuj tzex cot q'ueln yet' e chichnc'ojlal 'a jun witz 'ix si'cn 'el Jehová Dios yico'oc, yic tzcan cajn 'a jun 'ejmn̈ej ta'?

Chuj San Mateo Bible

¹⁶ Mach ex cajan ex d'a jolomtac vitz chi', ¿tas yuj yed' e chichonc'olal tzeyilcot jun vitz sic'b'ilel yuj Jehová Dios yic tz'och yicoc? Ata' ol cajnaj Dios chi' d'a juneln̈ej.

Salmos 68:16 Referans Kwoze

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Salmos 114:6

¿Tas yuj 'icha to 'ix b'atjchan̈ eb' lum witz yet' eb' lum tzalan, 'icha sb'atjchan̈ no mam calnelu, mto 'icha no nene calnelu, 'ixta x'aj eb' lu'um?

Salmos 114:4

Ax eb' lum niwc witz yet' eb' lum tzalan, 'icha to 'ix laj q'ue b'atnjoc eb' lum 'icha mam calnelu, mto 'icha no nene calnelu.

A Ch'an̈ B'ab'el Libro Yic Yab'ixal Eb' Rey 9:3

'Ix yaln 'ixtic: 'Ix wab' tas 'ix al 'ayn yet' a lesal, yet' tas 'ix a c'an 'ayin. Tox 'ix in si'cn 'el jun n̈a tic wico'oc, yic tz'och 'emmquilal 'ayn 'a 'a. Caw 'aynn̈ej 'ec' ta 'a junjn c'u, 'oj in tan̈wcn̈ej 'a smasnil tiempo.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.