Salmos 68:11 - Chuj San Sebastian Bible

¹¹ Ach Cajlil on̈, a yic 'ix alni to tz'ajx ganar eb' 'ajc'ojol, til wal eb' 'ix 'ix x'aln 'el 'ixtic:

Chuj San Mateo Bible

¹¹ Ach Cajalil, ayic alannac to toxo ix ac'ji ganar eb' ajc'ool, man̈xo jantacoc eb' ix ix, ix alaneli.

Salmos 68:11 Referans Kwoze

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Salmos 68:25

A eb' tzb'itni, a eb' b'ab'el. Ax eb' sonnum, a eb' tzac'an. Locn eb' 'ix cob'stac 'ix, xoj syucn eb' pandereta.

Salmos 40:3

'Ix ya'n in b'itnoc jun 'ac' b'it, jun b'it yic alj wach' paxti 'a Dios. Til wal eb' 'oj sat sc'ojl yiln jun tic. 'Oj laj xiw chan̈ eb', ax laj ya'noc 'och eb' Jehová yipc sc'ojol.

Ex 14:15

'Ix sc'anb'n Jehová 'ixtc 'a Moisés: —¿Tas yuj tzach 'awj 'ayin? Al 'a eb' et israelal tic, to tz'atx eb' 'a yojltac.

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Apoc 19:13

Ax spichl 'aych yu'uj, lab'b'il 'ejm 'a scal chic'. Ax sb'i, atn Spaxti Dios.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

A Ch'an̈ B'ab'el Libro Samuel 18:6

Ax yic xmeltzj eb' soldado israel 'a owal, yic smiln cham can David win Goliat, 'ix syamn sb'a smasnil eb' 'ix 'ix cajn 'a yol junjn chon̈b' 'ay 'a yol yic Israel. 'Ix wul schanc eb' 'ix sc'och win rey Saúl. Xoj ya'n eb' 'ix chan̈al, xoj sb'itn eb' 'ix, tzyucn eb' 'ix jun tzo'n̈ q'uen pandereta yet' platillo.