Salmos 66:2 - Chuj San Sebastian Bible

² Qui b'itnoquec b'it yic tzqui'nec chan̈ sb'i, calc qui wach' paxti 'a 'a.

Chuj San Mateo Bible

² B'itejec sb'inajnaquil. B'itanan̈ec d'ay yed' juntzan̈ b'it man̈xo jantacoc svach'il.

Salmos 66:2 Referans Kwoze

Apoc 5:13

'Ix wab'n pax sjaj jantcn̈ej eb' b'ob'il yuj Dios 'a satcha'an̈, yet' 'a yolyib'n̈q'uinal, yet' 'a yol lu'um, yet' pax 'a yojl a mar. Jantcn̈ej eb' 'ay 'a jun tzo'n̈ lugar cha, c'uxn xyal eb' 'ixtic: Alx cab' wach' paxti 'a jun wocn 'ejm 'a sdespacho, yet' 'a jun tzcuch Calnelu. Alx cab' 'a smasnil tiempo, chajtlto caw niwn yel'chi, niwn swach'il, an̈j Yajl yaji, xchi eb'.

Is 49:13

Ach satcha'an̈, 'el cab' aw 'a tzaljc'ojlal. Ach lu'um, tzaljan̈. Yet' ex witz, 'el cab' eyaw yuj tzaljc'ojlal, yujto a Jehová, wan ya'n sniwnal sc'ojl eb' schon̈ab'. Wan yo'ch sc'ojl 'a eb' yuj syailal.

Is 42:12

Yal cab' eb' chon̈b' 'ay 'a sti a mar swach' paxti 'a Jehová.

Salmos 107:22

Calc qui wach' paxti 'a 'a. A jun cha, 'icha to qui xajmb'al tz'aji, yet' qui tzaljc'ojlal tzcalnec 'el yab'xil tas sb'ojnac.

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Salmos 107:15

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 106:2

¿Mach wal junc tz'acw yaln 'el tas satjub'tac tzb'o Jehová? ¡Toc 'ay mach tztac' sb'itnan 'icha wal smoj sb'itnaxi!

Salmos 79:9

Ach qui Diosal on̈, qui Colmal aji, colwjan̈ quet' on̈, tza'n lajwc qui mul on̈, sec matz b'uchx a b'i.

Salmos 72:18

¡Alx cab' wach' paxti 'a Jehová! Atn qui Diosal an̈ israel on̈c tic, cojn tztac' sb'on tas satjub'tac yilxi.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.