Salmos 65:3 - Chuj San Sebastian Bible

³ A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Chuj San Mateo Bible

³ A jantac co chucal tz'ac'an yajalil d'a quib'an̈, palta a achxo tza suc sat co mul chi'.

Salmos 65:3 Referans Kwoze

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Salmos 79:9

Ach qui Diosal on̈, qui Colmal aji, colwjan̈ quet' on̈, tza'n lajwc qui mul on̈, sec matz b'uchx a b'i.

Gl 5:17

Yujto a jun qui tu nab'enalec tic, 'ajc'ojl yajch 'a Yespíritu Dios. Ax Yespíritu cha, 'ajc'ojl yajch pax 'a qui tu nab'enalec. Caw wal 'ajc'ojl yajch junjn eb' 'a 'a. Yuj cha, 'ijn wal matz tac' wach' tzcutjec qui b'eyb'al 'icha tzqui nib'jec.

Is 6:7

'ix squiln 'och 'a in ti', xyaln 'ayn 'ixtic: A jun stzac'ac' xin quilch 'a a ti tic, a x'i'n can 'el a mul, 'ix 'ajx can lajwc smasnil a tu'al, xchi 'ayin.

Salmos 40:12

Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

A Ch'an̈ B'ab'el Libro Yic Yab'ixal Eb' Rey 9:3

'Ix yaln 'ixtic: 'Ix wab' tas 'ix al 'ayn yet' a lesal, yet' tas 'ix a c'an 'ayin. Tox 'ix in si'cn 'el jun n̈a tic wico'oc, yic tz'och 'emmquilal 'ayn 'a 'a. Caw 'aynn̈ej 'ec' ta 'a junjn c'u, 'oj in tan̈wcn̈ej 'a smasnil tiempo.

A Ch'an̈ Schab'il Libro Yic Yab'ixal Eb' Rey 19:20

Xlajw cha, 'ix ya'n Isaías alxc 'ixtc 'a win Ezequías cha: A Jehová qui Diosalec, a 'ix aln ixtic: 'Ix wab' a lesl yuj tas xyal Senaquerib sreyl Asiria, xchi.

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

Is 66:23

A yic tzpac' 'uj 'a junjn 'ujal, yet' 'a yic sc'ul 'iljelal 'a yol junjn seman, 'oj jawc smasnil 'anma 'a wojltac, ax yem cumn eb' 'ayin.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.