Salmos 64:9 - Chuj San Sebastian Bible

⁹ 'Ixta to b'i'an, ax smasnil eb' 'anma', 'oj xiw chan̈ eb', 'oj yal-l eb' tas b'ob'il yuj Dios. Ax yojcan 'el eb' tas tz'el sb'on cha.

Chuj San Mateo Bible

⁹ Ichato chi', masanil eb' anima, ol xiv eb' d'a Dios. Masanil tas b'ob'il yuj Dios chi' ol yalel eb'. Masanil tastac sc'ulejnac Dios chi', ol snaub'tan̈ej eb'.

Salmos 64:9 Referans Kwoze

Jeremías 51:10

Tzyal eb' 'aj Israel yet' eb' 'aj Judá 'ixtic: Wan spacn Jehová 'a eb' yuj tas on̈ yutjec eb'. Coyec, 'at calc 'el 'a Sión, yuj tas wan sb'on Jehová qui Diosalec, xchi eb'.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Salmos 40:3

'Ix ya'n in b'itnoc jun 'ac' b'it, jun b'it yic alj wach' paxti 'a Dios. Til wal eb' 'oj sat sc'ojl yiln jun tic. 'Oj laj xiw chan̈ eb', ax laj ya'noc 'och eb' Jehová yipc sc'ojol.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Is 5:12

A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Ez 14:23

Yujto a yic 'oj eyiln 'och sb'eyb'al eb' cha, ax snachj 'el eyu'uj, chajtlto man̈ nab'an̈ejoc 'ay tas tzwac' jawc 'a yib'n̈ jun chon̈b' cha. An Jehová Yajl in, an tzwala, xchi Dios.

Salmos 119:20

'A junjn rato tzin nib'n tzwojquej 'el tas tzyal a ley.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Salmos 59:13

Satcn 'el eb' yet' yowl a c'ojol, sat cab' 'el eb' sec man̈x 'aj 'oj checljoc chan̈ eb'. 'Ac' yojcoc 'el eb' chajtlto ach tic Dios ach, yajl aj 'a quib'n̈ an̈ yin̈tl on̈ Jacob tic on̈, yet' 'a 'aj tzlajw c'och yolyib'n̈q'uinl tic.

Salmos 140:10

Cot cab' stzac'ac' 'a yib'n̈ eb', 'ajx cab' 'at eb' a scal c'ac'. Julx cab' 'at eb' 'a yich junc xab' olan, 'a 'aj man̈xtzac stac' sq'uet eb'.