Salmos 60:3 - Chuj San Sebastian Bible

³ An̈ a chon̈b' on̈ tic on̈, 'ix ac' quil niwc yailal, 'icha to 'ix ac' cuc' jun yal uva tzcot 'a qui jolm yu'uj.

Chuj San Mateo Bible

³ A on̈ a chon̈ab' on̈ tic, nivan yaelal ix ac' quila'. Ichato te nivan vino ix ac' d'ayon̈, ix q'ue d'a co jolom.

Salmos 60:3 Referans Kwoze

Salmos 71:20

Wach'xam til wal yailal 'ix a ch'ox wila', yet' pax cusc'ojlal, palta 'oj in a'x pitzwoc jun 'ejm xo; 'oj in e'x q'uet 'a yol lu'um,

Is 51:22

A Jehová Cajlil qui Diosalec, qui colmalec a tzaln 'ixtic: 'Oj wi'x 'ec' yechl yowl in c'ojl 'a yol e c'ab', atn jun 'icha to tzex 'och 'u'm 'an̈l yu'uj, man̈x b'a'n̈ 'oj eyab' syal yu'uj.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Salmos 75:8

Yujto a Jehová caw wal 'ay yowl sc'ojol, lajn 'icha junc vaso b'ut'n yet' yal uva to jawnacx sti'. A wal yic 'oj ya'n cot yowl sc'ojl chi 'a yib'n̈ smasnil eb' maysch'olnil sb'eyb'al 'a sat lum lum tic, c'uxn 'oj jawc 'a yib'n̈ eb' smasnil.

Apoc 18:16

'Oj laj yal eb' 'ixtic: ¡'Ay, 'ay, 'oltac wal jun niwquil chon̈b' tic! Lajn 'icha junc 'ix caw a'ijn cob' spichl 'aychi. 'Ay q'uic'mucnac, 'ay chac. Til wal q'uen oro 'aych 'a 'a, 'aych pax jun tzo'n̈ xo q'uen chan̈ stojol, yet' jun tzo'n̈ perla sb'i.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Habacuc 2:16

Ax ticnec, 'ix c'och sc'ul eyico', man̈x 'oj eyijx cha'an̈, palta to 'oj 'ilxoc e q'uixwelal. A Jehová 'oj 'a'nc eyac' e q'uixwloc 'icha junc 'u'm 'an̈. 'Oj eyab' syal yu'uj, 'icha wal yailal 'ix eya'ch 'a yib'n̈ jun tzo'n̈ nacion̈ cha. Yuj cha, a e b'an̈quinal, q'uixweltac 'oj 'ajcn yu'uj.

Dn 9:12

Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Salmos 80:4

Mamin Jehová, qui Diosal ach on̈, tzta'n̈j oj smasnil, ¿b'a'n̈ to wal tzactj owx 'och 'ayn̈ an̈ a chon̈b' on̈ tic yic matz a chaj qui lesl on̈?

Salmos 80:8

Mamin Jehová, a 'a Egipto 'ix 'ej cot jun te snun uva; 'ix a pechn 'el jun tzo'n̈ chuc nacion̈al 'a sat slu'um, ax 'a slum eb' chi 'ix awj can pax te uva cha.

Salmos 85:5

¿Tom 'ayn̈j cot yowl a c'ojl 'a quib'n̈ 'a smasnil tiempo on̈?

Salmos 89:39

'Ix a ju a trato yet' win a checab', xa juln 'ejm can scorona 'a sat lu'um.