A ticnec, caw tz'och pitz'n cusc'ojlal 'a in pixan. ¿Palta tas 'oj wutc walni? ¿Tom 'oj wal 'ixtc 'a Dios: Mamin, coln 'elt 'a yol sc'ab' jun yailal 'oj jawc 'a wib'n̈ tic, tom 'oj in chioc? Palta yuj wal jun tic 'ayn cot yu'uj.
Toto 'ayn̈ec 'och 'a qui yailal, tzca'c techjoc qui yailal cha, tzyal 'el'chi to te'n qui nab'enec; ax toto man̈x te'noc yaj qui nab'enec cha, man̈xtzac techj cujec.
¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.
¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol. A 'aych 'oj wal wach' paxti'. In Colmal aji, in Diosal ach paxi.
'Icha wal tz'aj a a stob'i, 'ixta tzin 'aji. Caw 'ix 'el wip. 'Ix yactn sb'a in b'aquil, ax in pixan 'ix 'ulb'x can 'at 'a yol in c'ojl 'icha no chab'ic'.
To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.