Salmos 59:9 - Chuj San Sebastian Bible

⁹ Ach in Diosal, an̈j 'aych tzin col in b'a, yujto ach 'aych 'och wipoc. Ach tzin a col 'a eb' 'ajc'ojl yajch 'ayin.

Chuj San Mateo Bible

⁹ Ach in Diosal, a d'ayach ipan in colan in b'a, yujto a ach ay ach och vipumaloc yed' ven̈uloc.

Salmos 59:9 Referans Kwoze

Salmos 9:9

Tza colcn 'el eb' 'oltac tz'aj yixtxi, tza'n yip eb' 'aych 'a syailal.

Salmos 62:2

Cojn tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Salmos 59:17

Ach in Diosal 'oj in b'itn 'ayach, yujto in Colmal aji, tzin a chamc'ojlan paxi.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Is 58:14

Toto 'ixta 'oj eyutc e b'a, 'oj 'ilchjoc e tzaljc'ojlal 'ayin. An xo 'oj wala', to niwn eyel'ch 'a yib'n̈ smasnil chon̈b' 'a yolyib'n̈q'uinl tic, ax wa'n pax eyico'oc lum e macl lum 'aycn yuj e mam 'ichm Jacob, atnta 'oj e wa 'a sat lu'um, xchi Dios.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 20:1

Mamin rey, yab' cab' Jehová a lesal yic 'aych 'och 'a somc'ojlal; a cab' qui Diosal an̈ yin̈tl on̈ Jacob tic tzach colni.

Salmos 2:4

Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.