Salmos 59:16 - Chuj San Sebastian Bible

¹⁶ Palta an xo pax tic Mamin, 'oj ach in b'itnoc 'a caw sq'uin̈b'ilto. 'Oj walcn 'el a chamc'ojlal yet' in b'it, yuj pax smasnil tas tztac' o'oj. Yujto a 'aych tzin col in b'a 'a yic stiempoal 'ay in yailal, 'icha to wen̈l aji.

Chuj San Mateo Bible

¹⁶ A in xo pax jun, ol ach in b'itej d'a q'uin̈ib'alil. Ol valel snivanil elc'ochi yed' a vach'c'olal d'a b'ital, yujto ayachn̈ejoch ven̈uloc. In Columal ach d'a stiempoal yaelal.

Salmos 59:16 Referans Kwoze

Salmos 21:13

Mamin Jehová tztac' oj smasnil, 'oj ach qui b'itnoc on̈, yujto caw niwn a poder, tzcaln pax wach' paxti 'ayach.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

Ro 15:9

An̈jtona', yuj pax eb' man̈ israeloc swulc' Cristo, sec wach' tzyal eb' wach' paxti 'a Dios, yujto 'ix 'o'ch sc'ojl 'a eb'. Yujto tzyal 'ixtc 'a Ch'an̈ U'un̈: Yuj cha, tzwaln wach' paxti 'aych 'a scal eb' 'anma 'a junjn nacion̈, tzin b'itnan pax wal a b'i, xchi.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Salmos 143:8

'A junjn sq'uin̈b'ial tza'n wojcoc 'el a chamc'ojlal, yujto ach tzach wa'ch yipc in c'ojol. 'Ac' wojcoc 'eli tas wal smoj in b'oni, yujto a 'aych wan waln in b'a.

Salmos 138:7

Mamin Jehová, yic 'ayn 'ec' 'a scal xiwc'ojlal, ach ton wal xac' in q'uinal, 'a' cot a poder 'ayin, sec tzin colchj 'el 'a yowl sc'ojl eb' 'ajc'ojl yajch 'ayin.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

Salmos 101:1

Mamin Jehová, tzin nib'j in b'itnoc a chamc'ojlal yet' a tojlal; tzin nib'j tzach in b'itnej yet' b'it.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Salmos 145:11

'Oj alxoc 'eli to caw wach' a'n Yajlil, ax yalxi, to caw 'ay a poder.

Salmos 36:5

Ach xo Mamin Jehová, caw tzc'och a chamc'ojlal 'a satcha'an̈; ax a wach'il, may slajub'.

Salmos 31:7

A 'a chamc'ojlal a tz'i'n cot tzaljc'ojlal 'ayin. 'In tzel in cusc'ojlal, ojc pax in somc'ojlal.

Salmos 4:1

Ach in Diosal, ach tzin a b'oyaj 'a stojlal, ta'wj in yic tzin 'awj 'ayach. A yic ya waji, ach xo in ac' b'oxoc. 'O'ch cab' wal a c'ojl 'ayn ticnec, tzab'n in lesl tic.

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Salmos 89:1

Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.

Salmos 88:13

Mamin Jehová, an xo tic a 'aych tzwal in b'a, 'a junjn sq'uin̈b'ial tzin leslwi 'ayach.

Salmos 77:2

A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

A Ch'an̈ B'ab'el Libro Samuel 17:37

A Jehová in coln 'el 'a yol sc'ab' no león, yet' 'a yol sc'ab' no oso, an̈jtona a pax 'oj in coln 'el 'a yol sc'ab' win filisteo tic, xchi David. —'Ixc 'an, a cab' Jehová tz'och et'oc, xchi Saúl 'a David.

Salmos 5:3

A 'a yic sq'uin̈b'ial, 'oj ab' wawj 'ayach; yic caw sq'uin̈b'ilto ax waln in b'a 'ayach, ax in tan̈wni a pacn 'ayin.

Salmos 106:8

Palta yuj a chamc'ojlal 'a eb', yuj cha, xa coln 'el eb', sec tzyojquej 'el eb' to 'ay a poder, sec may tas tu tzalx 'a a patic.

Salmos 86:13

Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.

A Ch'an̈ Schab'l Libro Samuel 22:3

Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.

Ex 15:6

Mamin Jehová, caw wal 'ay a poder, 'ix a satl eb' 'ajc'ojl cha.

Job 15:23

Ax sniwnal eb' cha, a no 'usj 'oj chinoc. Yojc xon pax eb' to a tas tzjaw 'a yib'n̈ eb' cha, to ma'oj 'ec'oc.