Salmos 59:15 - Chuj San Sebastian Bible

¹⁵ Caw matz 'och wan xon eb' sb'eyq'ui tz'ec' 'ac'wal, yic tzsayn 'ec' eb' tas tzc'uxu, tz'el yaw eb' 'icha 'oques, yujto matz c'och sc'ojl eb'.

Salmos 59:15 Referans Kwoze

Job 15:23

Ax sniwnal eb' cha, a no 'usj 'oj chinoc. Yojc xon pax eb' to a tas tzjaw 'a yib'n̈ eb' cha, to ma'oj 'ec'oc.

Salmos 109:10

Stitc n̈a cab'n̈ej 'aj 'oj 'ec' eb' yunnal sc'an jac tas tzc'uxu. Pechx cab' 'el eb' 'a 'aj juwnac can yatut cha.

Miqueas 3:5

Ax Jehová 'ix yaln 'ayn 'ixtic: A eb' in chon̈b' tic, caw 'aych eb' 'a yol jun b'e man̈ tojloc. Smulyujoc eb' tzyalch sb'a in checb'oc, tz'ixtx paxti eb' in chon̈ab'. Tzcob' yal eb' 'a eb' in chon̈b' tic, to 'ay junc'ojlal 'a eb' tz'a'n tas wach' tzc'ux eb'. Ax eb' matz 'a'n tas tzc'ux eb' cha, tzyac' eb' owl yet' eb'. Yuj cha, tzwaln yuj jun tzo'n̈ checb' chi 'ixtic:

Lm 5:9

Scal xiwc'ojlal tz'at quic' jac tas tzqui c'ux on̈, yujto 'ay smay yuj eb' 'a'm owl 'a lum cusltac lu'um.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Is 8:21

'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.