Salmos 59:11 - Chuj San Sebastian Bible

¹¹ Man̈ a mil cham eb', sec wach' ma'oj 'at satc'ojlal syailal eb' yuj eb' wit chon̈ab'. Mamin, pechcn 'at eb' yet' a poder, 'a'cn 'och eb' 'a 'emmquilal, in Colmal ton aji.

Chuj San Mateo Bible

¹¹ Ach Jehová co Columal, tzicub'tan̈ej eb' yed' a poder. Emnaquilocab' tzutejcan eb', palta man̈ a mac'chamlaj eb' yic a syaelal eb' chi' man̈ ol b'atlaj satc'olal yuj eb' vetchon̈ab'.

Salmos 59:11 Referans Kwoze

Salmos 3:3

Palta wojtac to in Colmal aji, ach tzin ej cha'an̈, tza'n in te'nal.

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.

Lc 21:21

A eb' 'ayc' 'a Judea, 'at cab' eb' 'elc 'a tzalctac. Ax eb' 'ayc' 'a Jerusalén tic, 'at cab' eb' 'elc jun xo. Ax eb' 'aycn 'at 'a b'esan, man̈x cab' 'oxtc eb' 'a yol chon̈b' tic.

Salmos 52:5

palta a Dios 'oj a satn 'el 'a jun 'ejmn̈ej. 'Oj ach yic' 'elt 'a yol atut, ax yi'n 'ec' a q'uinal.

Job 40:12

A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.

Dt 28:64

A Jehová 'oj e pechn can 'at 'a jun tzo'n̈ xo nacion̈, 'oj e sactzic can 'at 'a jun tzo'n̈ chon̈b' 'ay 'a smasnil yolyib'n̈q'uinl tic. Ata 'oj eyal e b'a 'a jun tzo'n̈ comn dios tzb'o yet' te te', yet' q'uen q'ue'en, jun tzo'n̈ to man̈ eyojcoc, man̈ yojcoc pax eb' qui mam quichmec.

Dt 4:27

A Jehová 'oj e sactzicn can 'at 'a scal jun tzo'n̈ xo nacion̈, jaywn̈xoj ex 'oj e can ta'.

Salmos 106:27

sec tz'emt can sb'isl eb' a chon̈ab', yic tzsactzic can eb' 'a scal jun tzo'n̈ xo nacion̈ 'a sat lum lum tic.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Salmos 84:9

Ach qui Diosal on̈, 'ilt cot wal jun qui reyl tic on̈, yujto ach xa si'li, yuj cha, 'ac' a wach'c'ojlal 'a yib'an̈.

Salmos 44:11

On̈ ac' 'a yol sc'ab' eb' on̈, 'icha junc calnelu tz'ijx 'at 'a 'aj tzchami. On̈ laj sactzic can 'at 'a scal eb' chuc nacion̈al.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.

Ec 9:5

A eb' 'anma mantzac chami, yojc eb' to 'oj cham eb'; palta ax eb' chamnc xo, toc 'ayt jac tas yojc eb'. Man̈x 'a sganar eb', satnc xo sc'ojl 'anma 'a eb'.

A Ch'an̈ B'ab'el Libro Samuel 24:5

Palta caw 'ix cus sc'ojl yuj tas 'ix sb'o cha,

Salmos 118:7

Wojtac to 'ayc' wet'oc, a tzcolwj 'ayin. 'Oj wila', tas tz'aj slajw 'el eb' 'anma tzin chacn 'eli.