Salmos 58:6 - Chuj San Sebastian Bible

⁶ Mamin Jehová, in Diosal ach, 'ij 'el yip eb' 'icha tzyutj eb' 'anma sma'n 'el ye no león.

Chuj San Mateo Bible

⁶ Mamin Jehová, ach in Diosal, iq'uel yip eb'. Utejcan eb' icha junoc noc' choj mac'b'ilpoj yalan̈ sti'.

Salmos 58:6 Referans Kwoze

Salmos 3:7

Mamin Jehová cotn̈ colwjoc wet'oc, coln ach in Diosal. Ach 'oj a ma'lajwc sat eb' 'ajc'ojl yajch 'ayin, ax a ma'n pax 'el ye eb' tzb'on maysch'olnil 'a in patic.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Salmos 17:12

Lajn eb' 'icha no león lachn 'ejmi yic tz'elt jucnjoc syam schib'ej.

Salmos 10:15

Mac' wecchjoc sc'ab' eb' tzb'on maysch'olnil. 'Ac' yowlal smaysch'olnilal eb' cha, tz'acn cab' tzyutj eb' stojn lajwc smul.

Job 29:17

Xwij 'el yopiso eb' 'ixtm 'anma', xin coln eb' 'aych 'a yol sc'ab' eb'.

Is 31:4

A Jehová a 'ix aln 'ayn 'ixtic: 'Icha wal yel yaw junc no 'ichm león tztan̈wj schib'ej, wach'xam niwn eb' 'ilm calnelu tzyoy sb'a 'a no', wach'xam jantc yel yaw eb' xib'tn cob' no', toc tzxiw no yuj eb'. 'Ixta wal 'oj wutc in tan̈wni eb' in chon̈ab', yic 'oj wul wa'nc owl 'a lum tzaln Sión.

Salmos 91:13

Tztac' qui b'eyc 'ec' 'a scal no león, 'a scal no niwc noc' 'ay smay yet' 'a scal no chan.

Nm 23:24

A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

Job 41:14

¿'Aym junc mach tztac' sjacn sti no', yujto a ye no', yel xo wal 'ay smay yilxi?

Ec 10:11

¿Tas to yopiso eb' cob' jeln smontn no chan, toto tox xchix eb' yuj no'?

Jeremías 8:17

Tzyaln pax Jehová 'ixtic: 'Oj wa't yailal 'a e cal, 'icha tzex 'aj e chix yuj junc no chan caw ow svenenoal. A no man̈x 'a yel'ch eb' tztac' smontn no', xchi.