Salmos 56:2 - Chuj San Sebastian Bible

² 'A junjn c'u tzin spechn b'eyc'oc eb' 'ajc'ojl yajch 'ayn cha, caw niwn eb' tzyij chan̈ sb'a ya'n owl wet'oc.

Chuj San Mateo Bible

² A eb' ajc'ol d'ayin, man̈xo jantacoc eb', max yactej eb' in spechanb'eyec'oc. Yuj yac'umtaquil eb' syac' oval eb' ved'oc.

Salmos 56:2 Referans Kwoze

Salmos 57:3

A yuj a chamc'ojlal yet' yuj tz'el'chn̈ej tas tzala, yuj cha, tza' cot colnb'il 'ayn 'a satcha'an̈, ax in a coln 'el 'a yol sc'ab' eb' tzin 'ixtni.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.

Miqueas 6:6

Tzlaj sc'anb'n eb' wit israelal chi 'ixtic: ¿Tas 'oj ca'c 'a Jehová yic tzon̈ 'ochc 'emmquilal 'a 'a, atn jun Dios Cojxn̈ej Niwn Yel'chi? ¿'Oj qui c'ochc 'a yojltac am yet' junc no quelm wacx jun ab'il sq'uinal, yic tzca'nec tz'a no xajmb'al-l 'a 'a?

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Salmos 93:4

Ach xo tic Mamin, 'aj satchan̈ ach, 'ec'b'al a poder 'a yib'n̈ eb' a mar cha yic tzcot yowl eb' a'.

Salmos 92:8

Ach xo tic Mamin Jehová, smasnil tiempo caw niwn el'chi.

Salmos 92:1

Mamin Jehová, til wal sja'l caln wach' paxti 'aych on̈; tzqui b'itnan pax a b'i on̈, tzqui'n chan̈ a b'i yujto caw niwn el'chi.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Salmos 54:5

A stu nab'enal eb' 'ajc'ojl cha, meltzjc cab' 'och 'a eb'. Mamin Jehová satcn 'el eb', yujto tz'el'ch tas tzala.

Salmos 35:1

Mamin Jehová, meltzjan̈ 'och 'a eb' tzcomn meltzj 'och 'ayin; 'ac' owl yet' eb' tzyac' owl wet'oc.

Salmos 9:2

Cojxn̈ej ach niwn el'chi. Ojn̈ej wali tzwa'n 'el waw yuj tzaljc'ojlal, tzin b'itnan pax a b'i.

Salmos 3:1

Mamin Jehová, til wal tz'aj sniwtj sb'isl eb' tzchichn 'och 'ayin, yet' pax eb' tzmeltzj 'och 'ajc'ojlal 'ayin.

Salmos 41:5

A eb' 'ajc'ojl yajch 'ayin, caw tu tzyal eb' 'a in patic; tzyaln eb' 'ixtic: ¿B'a'n̈ wal 'oj chamoc, sec man̈x 'a mach 'oj nanc coti? xchi eb'.