Salmos 53:5 - Chuj San Sebastian Bible

⁵ Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Chuj San Mateo Bible

⁵ Tz'ib'xi eb' yuj xivelal vach'chom malaj tas xib'tan eb'. A Dios ix saclemancanb'at sb'aquil eb' ajc'ool, q'uixvelal ix ajcan eb' yujto ix paticajel eb' yuj Dios.

Salmos 53:5 Referans Kwoze

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Ez 6:5

Ax israel ex 'oj e cham cha, t'occtac 'oj wutc can e niwnal chi 'a yojltac jun tzo'n̈ yechl 'aj tzeyal e b'a, ax e b'aquil, sactzicnac 'oj 'ajcn 'a stz'ey jun tzo'n̈ yet'l e xajmb'al cha.

Jeremías 6:30

'Oj alxoc yuj eb' to lajn eb' 'icha q'uen plata julb'ilx 'eli, yujto an Jehová in tic, an xin patquilj can 'el eb', xchi 'ayin.

Salmos 141:7

A sb'acl eb', sactzicnac 'oj 'ajcn 'a stz'ey sti sjul-l eb' chamnc 'anma', b'ulctac xoj tz'ajcn 'icha lum lu'um.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.

Salmos 73:20

Ach Wajlil, 'oj a patquilc can 'el eb' maysch'olnil tas tzb'o'o. 'Icha tz'aj sat sc'ojl junc mach 'a swayich yic tz'el swayan̈, 'ixta 'oj 'ajcn eb' o'oj.

Salmos 40:14

A eb' tznib'j tzin miln chamoc, yet' eb' tzin 'ixtni, q'uixw cab' can 'el eb', somchj cab' 'el eb', 'at cab' eb' 'elc yet' sq'uixwc'ojlal.

Salmos 35:26

A eb' tzalj wu'uj yic tzjaw in yailal, somchj cab' 'el eb' yuj q'uixwc'ojlal. Q'uixw cab' can 'el eb' caw niwc winc tzyutj sb'a 'a wojltac.

Salmos 35:4

A eb' tzin nib'n milnc chamoc, somchj cab' 'el eb' yuj q'uixwc'ojlal, ax eb' tznib'n tas tzin yutej, meltzj cab' eb' 'a spatc yuj xiwc'ojlal.

Salmos 14:5

Caw 'oj 'ib'xoc eb' yuj xiwlal, yujto a Dios 'ayc' yet' eb' tojl sb'eyb'al.

Salmos 2:4

Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.

Lm 2:6

'Icha wal tz'aj yixtx 'el junc 'awb'en, 'ixta wal 'ix yutj Cajlilec ya'n juwc 'el scajnub' 'aj tz'och yamnil, sma'n can 'ejm lan̈chjoc. Xya'n sat sc'ojl eb' 'aj Sión 'a jun tzo'n̈ q'uin̈ niwn yel'chi, yet' pax sc'ul 'iljelal. Yuj yowl sc'ojl cha, spatquiln can 'el eb' rey yet' eb' ya'mal 'och qui ti 'a 'a.

Job 15:21

A yic tzyab'n eb' sc'an̈ junc tas, caw tzxiw eb' yu'uj, ax yic cob' may tas tzna eb', a paxta tzjaw maysch'olnil chi 'a yib'n̈ eb'.

Jeremías 49:15

Ex 'aj Edom, yel xo wal may yel'ch 'oj ex wutc can 'a yib'n̈ smasnil chon̈ab'. Man̈x 'a yel'ch 'oj eyaj 'a sat smasnil 'anma'.