Salmos 53:1 - Chuj San Sebastian Bible

¹ A eb' tu sb'eyb'al, may Dios snan eb'. 'Ix juw 'el snab'en eb' smasnil, til wal tas yajb'entac xlaj sb'o eb', man̈x 'a junc mach tzb'on tas wach'.

Chuj San Mateo Bible

¹ A eb' chuc spensar sna eb' to malaj Dios. Junlajanxon̈ej ix aj sjuanel spensar eb'. Yelxo val te chuc sc'ulej eb'. Man̈xalaj mach sc'ulan vach'il.

Salmos 53:1 Referans Kwoze

Salmos 10:4

A eb' tu sb'eyb'al may xon el'ch 'a sat, caw niwn yel'ch eb' snani, man̈ ach 'ayc' 'ec' 'a snab'en eb'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Job 15:16

An̈ xo an̈ 'anman̈ec tic, caw yajb'entacn̈ec, yel xo wal a maysch'olnil tzqui b'o'ec, lajn wal maysch'olnil chi 'ayn̈ec 'icha swach'l yu'x a a'.

A Ch'an̈ B'ab'el Libro Yic Yab'ixal Eb' Rey 14:24

'Ay pax eb' winc tzb'on 'ajmulal yet' eb' yit wincal yic tz'och eb' 'emmquilal 'a sdiosal. Tzb'on pax eb' jun tzo'n̈ 'ajmulal to caw yajb'entac, 'icha sb'ojnac jun tzo'n̈ nacion̈ yijnac 'el Jehová 'a 'aj c'ochnc eb'.

A Sb'ab'el Carta San Pedro 4:3

A 'a yic yalan̈, niwn tiempo e b'ojnac jun tzo'n̈ tas 'aj 'aych snab'en eb' man̈ 'ojtnacoc Dios. Palta can cab' jun tzo'n̈ chi ticnec. Yujto a 'a jun tiempoal cha, cojxn 'ajmulal e b'ojnac, cojn maysch'olnilal e nib'jnac 'ochi. 'U'm ex 'an̈, toxn̈ej tzex laj somlji ta'. Til wal 'an̈ eyu'jnac. An̈jtona', eyaljnac e b'a 'a jun tzo'n̈ tzalx 'och diosal, a jun tzo'n̈ cha, caw man̈ smojoc.

Ef 5:12

Yujto a jun tzo'n̈ tas tzlaj sb'o eb' 'a c'ultaquil, caw q'uixweltac yalxi.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Salmos 10:13

Ach in Diosal, ¿tas yuj tza chaj to tzach spatquilj can 'el eb' maysch'olnil? A snan eb' to ma'oj a b'eyc'ojloc eb'.

Salmos 10:11

Tznan eb' maysch'olnil chi 'ixtic: Satnc sc'ojl Dios 'ayon̈, chuc 'aj q'ueln 'ati, matz on̈ yil xon jab'oc, xchi eb'.

Salmos 10:6

Tznan eb' 'ixtic: May xon b'a'n̈ 'oj quem an̈ tic, may pax b'a'n̈ 'oj jawc somc'ojlal 'ayon̈, xchi cob' eb'.

Job 14:4

¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?

A Ch'an̈ B'ab'el Libro Yic Yab'ixal Eb' Rey 12:26

'Ix snan Jeroboam 'ixtic: Tecn 'oj yi'x 'ec' jun yin̈tl David tic jun in reyl tic.

Dt 12:31

Man̈ 'ichaoc tzyutj sb'a eb' cha, man̈ 'ixta'oc tzeyutj e b'a 'a Jehová, yujto a jun tzo'n̈ cha, yajb'il 'el eb' yuj Jehová Dios. A jun tzo'n̈ yajb'il 'el yuj cha, atn sb'eylb'ej eb' 'anma cha, yic tzyi'n 'ejm sb'a eb' 'a sdiosal. 'Ay wal eb' yel may snab'en, xyac' eb' tz'a yunnal yet' yisl xajmb'al-l 'a sdiosal cha.

Ro 1:21

Yujto wach'xam yojc eb' to 'ay Dios, palta matz yal eb' sDiosaloc, may yel'ch 'a eb'. Matz yac' pax eb' yuj diosal 'a 'a. A jantcn̈ej tas tzna eb', caw may yel'chi. May snab'en eb', yujto q'uic'q'uinl yaj spixn eb'.

Ez 16:51

Ax Samaria, ma'ix q'ue'ch 'a spacl sayn smulc 'icha Jerusalén cha. Yujto yel xo wal x'ec' 'a yib'n̈ sb'on tas yajb'entac 'a yib'n̈ eb' 'ay 'a sla'nil cha; tu 'ix yal 'a eb', palta wach' to wal eb' jab'x 'a yib'an̈.

Ez 16:47

'Ix 'och tza'n Jerusalén yuj sb'eyb'al eb', caw yajb'entac tas x'el sb'oni. Man̈ cojnoc cha, palta yel xo wal tu 'ix yutj sb'a 'a yib'n̈ eb' chab' chon̈b' cha.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.