Salmos 51:16 - Chuj San Sebastian Bible

¹⁶ Yujto ach tic, matz a nib'j ofrenda yet' no xajmb'al. Q'uinloc tzyal a c'ojol, to 'ixta', tzwac'a; ocxo jun matz tzchaj a c'ojl jun tzo'n̈ cha.

Chuj San Mateo Bible

¹⁶ Tato a ofrenda, ma silab' n̈usb'il tza nib'ej, tzam vac'laj, ocxo jun, max a nib'ej paxlaj.

Salmos 51:16 Referans Kwoze

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Os 6:6

A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej; tzin nib'j to tzin eyojquej 'eli, to e Diosal in 'a yib'n̈ pax jun tzo'n̈ siylab' tzeyac' tz'a'oc.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.

Salmos 51:6

Caw 'ay a chamc'ojlal 'a eb' to a yet' smasnil sc'ojol tzb'on stojlal, yuj cha, 'ac' wal a jelnal 'ayin.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Salmos 50:8

Ma'oj ex in tumc yuj e xajmb'al tzeya'n̈j 'ayin, yet' pax jun tzo'n̈ xajmb'al tzeyac' tz'a 'a wojltac.

Jeremías 7:27

Ach xo tic Jeremías, al smasnil jun tzo'n̈ tic 'a eb', wach'xam ma'oj scha eb' yab' 'ayach.

Dt 22:22

Toto 'ay junc winc tz'ilchj eyu'uj, to wan smuln yet' junc 'ix 'ix 'ay yichmil, tojln̈ej scham eb' schawn̈il. 'Ixta wal 'oj 'aj satl jun maysch'olnil chi 'a e cal.

Nm 15:27

Toto a junc comn 'anma tz'och smul, to man̈ sc'anc sc'ojol, a junc 'anma cha, tzyac' junc no cob's chiwo jun ab'il sq'uinl xajmb'al-l yuj smul cha.

Ex 21:14

Palta a mach ton̈j tzcomn cot yowl 'a junc yit 'anma'il tzmiln chamoc, wach'xam tz'at sc'ub'c 'el sb'a 'a yet'l xajmb'al, palta yowlal tz'at sayxoc 'eq'ui, tzlajw yilchji, tzmilx chamoc.

Nm 35:31

Matz tac' schax tumn 'a junc milm cham 'anma', toto tox x'ajx 'och 'a yib'an̈, tojln̈ej schami.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

Salmos 71:15

Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.