Salmos 51:1 - Chuj San Sebastian Bible

¹ Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Chuj San Mateo Bible

¹ Ach in Diosal yujto tzin a xajanej, oc'oc val a c'ool d'ayin. A yuj a nivan oq'uelc'olal, sucsat in mul.

Salmos 51:1 Referans Kwoze

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Salmos 51:9

Najt tzejcan 'el in mul 'a ojltac, suc sat smasnil in maysch'olnilal.

A Scarta San Pablo D'a Eb' Aj Colosas 2:14

'Ay jun 'icha b'oc 'aych 'a quib'n̈ec 'a yic yalan̈, yujto ma'ix qui yicljec jun tzo'n̈ ley. Palta a Dios 'ix sucn sat jun 'icha qui b'occ cha. 'Ix yij 'el 'a quib'n̈ec. 'Icha to xlawxax 'och 'a spenc te culus.

Salmos 69:16

Mamin Jehová ta'wj in, caw 'ay a chamc'ojlal 'a smasnil tas. 'Ochn̈ q'ueln 'ayn yet' a chamc'ojlal.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Salmos 4:1

Ach in Diosal, ach tzin a b'oyaj 'a stojlal, ta'wj in yic tzin 'awj 'ayach. A yic ya waji, ach xo in ac' b'oxoc. 'O'ch cab' wal a c'ojl 'ayn ticnec, tzab'n in lesl tic.

Lm 3:32

Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Salmos 119:124

Wach' tzotj a nab'en 'ayn an a checb' in tic, 'icha yaj in a chamc'ojlani. Cuyn 'a jun tzo'n̈ a checnb'il tic.

Salmos 109:21

Mamin Jehová caw niwn el'chi, 'o'ch cab' a c'ojl 'ayin. Yuj a chamc'ojlal 'ayin, tzin a coln 'eli.

Salmos 40:11

Mamin Jehová, man̈ ach 'och wan a'n a wach'c'ojlal 'ayin. Tan̈wj in yet' a chamc'ojlal 'icha yaj alni.

Salmos 5:7

Palta an xo tic, yuj wal a niwn chamc'ojlal 'ayin, 'oj stac' in c'och 'a atut; 'oj wal in b'a 'aych 'a 'emmquilal 'a atut cha.

Salmos 106:7

A yic 'ayc' eb' qui mam quichm 'a Egipto on̈, 'icha to may yel'ch tas xa b'o 'a sat eb'; 'ix ya'n sat eb' sc'ojl 'a a niwn chamc'ojlal, ax 'a sla'nil sti a Chac Mar, ata x'och eb' 'ajc'ojlal 'ayach.

Salmos 69:13

Palta an xo tic Mamin Jehová, a 'aych tzin leslwi. Ach in Diosal colwjan̈ wet' ticnec. Caw niwn a chamc'ojlal, ta'wj in yujto 'aych 'ochn̈ej wet'oc, yuj cha, coln 'el ticnec.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Is 63:7

An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Salmos 145:9

Caw wal wach'ch 'a yib'n̈ smasnil, caw 'ay a chamc'ojlal 'a yib'n̈ tas b'ob'il o'oj.

Salmos 77:9

¿Tom 'ix sat sc'ojl Dios 'a swach'c'ojlal? ¿Yelc'ojlal am 'ay cot yowal, man̈xtzac am 'o'ch sc'ojl 'ayn̈ on̈? xin chi 'a in nab'en.

Dn 9:18

Ach in Diosal, maclj wal ab' tas tzwal 'ayach. 'Ilt wal nab'n tzon̈ 'aji. 'Ix ma'x lan̈chjoc jun chon̈b' tzb'inaxi to ec yaji. Tzon̈ tew 'ayach, yujto cojtac to tz'o'ch a c'ojl 'ayon̈, man̈ yujoc qui wach'l 'a mun yol quico'.

Nehemías 4:5

Man̈ ac' niwnc'ojlal 'a yib'n̈ smul eb', man̈ cab' 'at satc'ojlal o'oj tastc 'ix 'el sb'on eb', yujto caw 'ix cot yowl sc'ojl eb' 'ayn̈ an̈ tzqui b'o jun muro tic on̈, xin chi.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.