Salmos 50:2 - Chuj San Sebastian Bible

² A Dios tzch'ox stzictznil 'a tzaln Sión, jun chon̈b' caw wal wach' yilxi.

Chuj San Mateo Bible

² A d'a tzalan Sion, aton chon̈ab' te vach' yilji, ata' sch'ox saquilq'uinal Dios.

Salmos 50:2 Referans Kwoze

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Lm 2:15

A yic tz'ilx chon̈b' Jerusalén yuj eb' tzlaj b'ey 'a b'e, tzlaj spo'nc can eb' sc'ab' yu'uj, yic tzb'uchwj can eb' 'a 'a. Tzlaj xulmj eb', tzlaj syucnc eb' sjolom yuj sb'uchn eb', tzlaj yalnc eb' 'ixtic: ¿Am jun chon̈b' tic til wal sb'inax 'a sat lum lum tic, tolab' yel xo wach' yilxi? xchi eb'.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Cantares 5:16

A yic tzpaxtin na, caw wach' tas tzyal na, man̈x jantcoc snib'jub'tacl na, caw wal 'ay smon ni yet' smasnil tas tzyal cha. 'Ixtnta wal yilx ni quelm chi ex cob'stac 'aj Jerusalén, xchi 'ix.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Salmos 80:17

Cojn b'i'an, to tza b'achb't a c'ab' 'a yib'n̈ jun mach sic'b'il 'el o'oj, atn win rey to ach 'ix ac' yip.

Salmos 68:24

Ach qui Diosal on̈, qui reyl ach on̈, caw 'oj a checlj 'el yuj smasnil eb' 'anma 'oj c'och secsnoc yic 'oj a c'och 'a a cajnub'.

Salmos 48:3

'Ayc' Dios 'a yol sdespacho, 'ix yac' 'ojcaxc 'eli to cojn 'aj wach' qui colnec qui b'a.

Salmos 80:2

Checlj ach cab' 'el 'a eb' yin̈tl Efraín, 'a eb' yic Benjamín yet' 'a eb' yic Manasés. Cotn̈ muc'uc, wul coln̈ 'el yet' a poder.