Salmos 49:14 - Chuj San Sebastian Bible

¹⁴ A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Chuj San Mateo Bible

¹⁴ A juntzan̈ anima chi', a chamel ayoch yilumaloc eb'. A tz'ic'anb'at eb' b'aj smucchaj chamnac. Ayic ol sacb'oc, d'a sc'ual yic ol on̈ ch'olb'itajoc, a eb' anima vach' spensar ol ac'an ganar d'a yichan̈ eb'. C'ojanc'olal ol satem snivanil eb', axo b'aj smucchaj chamnac ol och scajnub'oc eb'.

Salmos 49:14 Referans Kwoze

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

1 Co 6:2

¿Tom mant eyojcoc, to an̈ec yic on̈c xo Dios tic, an̈ec 'oj cochc yajlil 'a yib'n̈ eb' yic yolyib'n̈q'uinl tic? Yuj cha, smoj an̈ec tzqui b'oc yaj jun tzo'n̈ mayn̈ej wal yel'ch tic.

Dn 7:22

masnto 'ix c'och jun Mach 'ayc'n̈ej 'a jun 'ejmn̈ej cha. 'Ixta to b'i'an, sb'onyaj eb' schon̈b' Dios to cojxn niwn yel'chi, yujto 'ix c'och stiempoal schan eb' yopiso.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Ro 8:36

Yujto tzyal 'ixtc 'a Ch'an̈ U'un̈: O'oj, yuj cha, junjn c'u, 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈, xchi 'a ch'an̈.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Dn 7:18

A yic 'oj lajwc ya'n eb' yajlil cha, ax scan smasnil 'a yol sc'ab' eb' chon̈b' sic'b'il 'el yuj jun Dios cojxn niwn yel'chi, jun 'ejmn̈ej 'oj cancn 'a yol sc'ab' eb' 'a smasnil q'uinal, xchi.

Salmos 39:11

Ach tzon̈ a cuy on̈, tza'n 'och qui yailal yuj qui mul on̈, 'icha to 'ijctac xo tzotjcan tas yel xo tzqui chamc'ojlej on̈. Qui masnil on̈, caw may yel'ch yec' qui q'uinal, lajn 'icha qui'n quic' jun 'ejmoc.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Jeremías 12:3

Palta ach xo tic Mamin Jehová, caw wal ojquin. Ojtac tas yaj in nab'en 'ayach. 'Ij 'at jun tzo'n̈ 'anma cha, 'icha tz'aj yijx 'at no calnelu 'aj tzmilx chamoc. Tza pojcn 'el eb', sec 'oj cham eb' yic 'oj jawc jun c'u yic 'oj milxoc cham eb' 'anma'.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Salmos 47:3

A 'ix 'a'n jun tzo'n̈ chon̈b' 'a yol qui c'ab'ec, 'ix can jun tzo'n̈ nacion̈ 'a yaln̈ cujec.

Salmos 44:11

On̈ ac' 'a yol sc'ab' eb' on̈, 'icha junc calnelu tz'ijx 'at 'a 'aj tzchami. On̈ laj sactzic can 'at 'a scal eb' chuc nacion̈al.

Salmos 9:17

A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.

Job 21:26

Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.

Job 21:13

Til wal tas 'ay 'a eb' tu snab'en cha yic tzcham eb', caw tzaljc'ojlal tz'aj smucx can eb' 'a campusan.

Job 4:21

'Icha yic slan̈chj junc mantiado yic tzn̈i'chj sch'an̈il, 'ixta yaj sq'uinl eb', yajn̈ej tz'eq'ui, mantzac nachj 'el sjelnal Dios yuj eb', xchi jun pixn chi 'ayin.