Salmos 47:1 - Chuj San Sebastian Bible

¹ E masnil ex wit chon̈ab', qui po'c qui c'ab'. Calc qui b'a 'a tzaljc'ojlal 'a Dios.

Chuj San Mateo Bible

¹ Tz'itec e c'ab' e masanil ex nación. Avajan̈ec d'a Dios d'a tzalajc'olal.

Salmos 47:1 Referans Kwoze

Salmos 106:47

Mamin Jehová, qui Diosal ach on̈, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.

Salmos 98:4

B'itn coyc 'a Jehová yet' qui tzaljc'ojlal. Jantc on̈c cajn on̈c 'a sat lum lum tic, ca'c wal tzaljoc qui c'ojl qui b'itnanec jun tzo'n̈ b'it tic.

Jeremías 31:7

Tzyaln pax Jehová 'ixtic: B'itnan̈c 'a tzaljc'ojlal yuj jun chon̈b'al eb' yin̈tl Jacob, atn jun chon̈b' 'ec'b'al yel'ch 'a yib'n̈ smasnil nacion̈. 'Ab'x cab' e b'itni, tzeyaln 'ixtic: Mamin Jehová, coln̈ an̈ a chon̈b' on̈ tic, atn jantc on̈ 'ayn̈to cani, xe chi.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 47:5

A Dios 'ix q'ue 'a 'aj 'ay sdespacho 'a scal 'aw yic tzaljc'ojlal, 'aj tz'utz'x strompeta.

A Ch'an̈ Schab'il Libro Yic Yab'ixal Eb' Rey 11:12

'Ix yi'n 'elt Joiada win yunnal win rey muc'uc, 'ix ya'n q'ue scorona, 'ix ya'n win yun̈al strato Dios 'a 'a, xlajw cha, 'ix secn q'ue aceite 'a sjolm winac, 'ix yaln eb', to rey xo. Xlaj spoc' eb' sc'ab' smasnil, 'ix yaln eb' 'ixtic: ¡Viva win qui reyal! xchi eb'.

A Ch'an̈ Schab'l Libro Samuel 6:15

'Ixta sb'o David yet' smasnil eb' yit israelal. Caw wal niwquil tzaljc'ojlal x'ochi, yic xyi'n cot eb' te scaxail strato Jehová chi 'a Jerusalén, caw wal tzya'l eb' yaw, tzyutz'n pax eb' strompeta yuj tzaljc'ojlal.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Zacarías 4:7

Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Salmos 98:8

A eb' a niwc a', q'ue cab' wan chel-loc eb' a'. Ax eb' lum niwc witz, jun lajnn̈ej cab' tzyutj eb' lum yawj chan̈ yuj tzaljc'ojlal 'a yojltac Jehová,

2 Cr 13:15

Ax yic x'el yaw eb' yic Judá chi ya'n owal, ax Dios 'ix 'a'n 'ajxc ganar Jeroboam chi yet' smasnil eb' yit israelal, 'ix 'ejm eb' yuj Abiam sreyl Judá.

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.

Sofonías 3:14

B'itnan̈c ex 'aj chon̈b' Sión, q'ue cab' eyaw e b'itn ex israel. Tzaljan̈c ex 'aj Jerusalén, caw tzaljan̈c wal si'mb'il.

Salmos 42:1

Ach in Diosal caw wal tzin nib'j to junn̈j in et'oc 'icha wal snib'n junc no c'ultquil chej yuc' a a yuj tacn̈ti'al, 'ixta waj et'oc.