Salmos 46:8 - Chuj San Sebastian Bible

⁸ Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Chuj San Mateo Bible

⁸ Ul ilec satub'taquil tas ix aj satjiel eb' ajc'ol d'a sat luum tic yuj Jehová.

Salmos 46:8 Referans Kwoze

Salmos 66:5

Cotn̈ec, wul 'iltec smunljel Dios nab'an, atn jun tzo'n̈ satjub'tac yilx sb'o yuj qui wach'loc an̈ 'anman̈ec tic.

Is 24:1

A Jehová a 'ix aln 'ixtic: 'Iltec, an 'oj in mes sat lum lum tic, caw 'oj cancn jitn lum wu'uj, ax in chuln b'e'n lu'um, 'oj sactzic can 'at eb' cajn 'a sat lum wu'uj.

Is 61:4

'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Ex 12:30

A smasnil eb' 'aj Egipto, 'ix q'ue wan eb' 'a yic jun 'ac'wl cha. Caw wal tz'oc' win rey, tz'oc' pax eb' 'aych yajlil yet'oc, yet' smasnil eb' 'anma 'a yol yic Egipto cha, yujto man̈x 'a junc n̈a 'ajtil may chaml 'ix 'ochi.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

Ex 10:7

'Ix yaln ewin 'aych yajlil yet' win rey chi 'ixtic: —¿B'a'n̈ wal 'oj yactc jun winc tic on̈ yixtnec? ¿Tas yuj matz a chaj 'at jun tzo'n̈ 'anma chi 'at yac' 'emmquilal 'a Jehová sDiosal cha? ¿Tom matz a na jab'oc, to wan slajw 'ejm qui nacion̈ec tic? xchi eb'.

Nm 14:9

Palta comnoc matz eyij 'el e nab'en 'a Jehová, man̈ ex comn xiw yuj eb' 'anma chi 'ay 'a lum lum cha. 'Ichan̈ej wal qui wan junc pan, 'ixta 'oj 'aj eb' satl cujec, toc 'ay mach 'oj colnc 'el eb' 'ayn̈ec. An̈ec xo tic, a Jehová a 'aych quet'ec. Yuj cha, man̈ ex comn xiwoc, xchi eb'.

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Salmos 59:10

Tzin a chamc'ojlej, ach 'oj a b'ab'lj wu'uj, ax a'n wila', tas 'oj 'aj slajw 'el eb' 'ajc'ojl yajch 'ayin.

Salmos 146:5

Wach' yic eb' tzchan scolwal sDiosal Jacob, atn eb' tzya'ch sc'ojl 'a Jehová qui Diosalec.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.