Salmos 46:10 - Chuj San Sebastian Bible

¹⁰ 'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Chuj San Mateo Bible

¹⁰ Syalan Dios chi' d'a juntzan̈ nación: Actejec eyac'an oval. Nachajocab'el eyuuj to a in ton Dios in. Ol alchajel in poder d'a scal masanil nación d'a sat luum tic, xchi Dios.

Salmos 46:10 Referans Kwoze

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Is 2:17

A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,

Salmos 57:5

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Salmos 21:13

Mamin Jehová tztac' oj smasnil, 'oj ach qui b'itnoc on̈, yujto caw niwn a poder, tzcaln pax wach' paxti 'ayach.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

A Ch'an̈ B'ab'el Libro Yic Yab'ixal Eb' Rey 18:36

Ax yic xc'och yorail 'icha xon yajx tz'a no xajmb'al, 'ix snitzn 'ochch sb'a Elías 'a stz'ey jun xajmb'al cha, xyaln 'ixtic: Mamin Jehová, sDiosal ach Abraham, Isaac yet' Israel: A ticnec, 'ojcaxc cab' 'eli to ach tic, qui Diosal ach an̈ israel on̈ tic on̈, an xo tic, a checb' waji, ach 'ix 'ac' in b'o jun tzo'n̈ tic.

A Ch'an̈ B'ab'el Libro Samuel 17:46

A ticnec a Jehová 'oj a'n 'och 'a yol in c'ab', 'oj ach in mila', 'oj in tzu'l a jolom, ax wa'n a niwnal chi yet' yic eb' a soldado schi no 'usej, yet' e no chiwjum noc'. 'Ixta 'oj yutc yojcan 'el smasnil eb' 'anma 'a yolyib'n̈q'uinl tic, chajtlto 'ay jun qui Diosal an̈ israel on̈ tic on̈.

A Ch'an̈ Schab'il Libro Yic Yab'ixal Eb' Rey 19:12

¿Toc 'ix colchj eb' 'anma yuj sdiosal, 'a yol sc'ab' eb' in mam wicham? 'Ix yac' lajwc eb' 'aj Gozán, eb' 'aj Harán, eb' 'aj Resef, yet' eb' 'anma 'aj Bet-edén cajn 'a yol yic Telasar.

Josué 11:6

Palta xyaln Jehová 'ixtc 'a Josué: —Man̈ ach xiw 'a eb' 'anma cha, yujto yab'n 'icha hora tic q'uic'an, 'oj cham eb' smasnil 'a eyojltac wu'uj. 'Oj e mac' wecchjoc schej eb', ax e n̈usn pax scaruaje eb' cha, xchi.

Josué 11:9

A Josué 'ix syiclj sb'on smasnil tas xyal Jehová. 'Ix smac' wecchjoc schej eb' 'ajc'ojl cha, sn̈usn pax eb' scaruaje eb' yic owal.

A Ch'an̈ B'ab'el Libro Samuel 2:4

Ach Jehová ach 'ix a ma' wecchjoc sjul-lab' eb' soldado 'ay smay, ax eb' xlaj 'el yip, ach 'ix a'x yip eb'.

A Ch'an̈ Schab'il Libro Yic Yab'ixal Eb' Rey 6:23

Xlajw cha, 'ix b'o wal tas wach' sc'uxxi, 'ix wa eb', 'ix yu'n eb' tas xyuq'uej, xlajw cha, 'ix checx meltzjc eb' 'a syajlil. Ye'xn̈ej chi ta', man̈x 'a 'aj 'ix comn 'och eb' soldado sirio 'a yol smacb'en eb' israel.

Salmos 37:15

Palta mun a yespada eb' chi 'oj tecxoc 'och 'a spixan, ax sjul-lab' eb' cha, 'oj wecchjoc cani.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Jeremías 49:35

An Jehová in, tztac' wuj smasnil, an tzwala: 'Oj in mac' wecchjoc jun tzo'n̈ sjul-lab' eb' soldado yic Elam, atn syamc'ab' eb' yic owl to caw niwn yel'chi.

Ez 30:8

A yic 'oj wa'n 'och sc'a'l jun chon̈b' cha, ax slajw can pax 'ejm smasnil eb' 'anma tzcoln jun nacion̈ cha. 'Ixta to b'i'an, ax yojcan 'el eb' to an ton Jehová in, to cojn in ton Dios in.

Ez 39:3

Ax in ma'n wecchjoc jun a jul-lab' et' 'a a surito, 'oj in ma'cn 'el tzicnjoc jun tzo'n̈ a cotc jul-lab' et' 'a yol a c'ab' 'a a wach'.

Miqueas 4:3

A Jehová 'oj b'eyc'ojlanc eb' nacion̈. A 'oj alnoc tas 'oj 'aj junjn eb' nacion̈ to caw wal jelan, wach'xam caw najt 'ay eb'. Yuj cha, 'oj meltzjoc 'och q'uen yespada eb' asaronal, ax q'uen lanza, 'oj 'ochcn q'uen josal, yujto may junc xo chon̈b' 'oj yi' chan̈ syamc'ab' yic owal, ax yoch 'ajc'ojlal 'a junc xo chon̈ab', man̈x 'a mach 'oj cuyxoc 'a tas tz'aj yoch owal.