Salmos 45:7 - Chuj San Sebastian Bible

⁷ A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Chuj San Mateo Bible

⁷ A val tojolal scha a c'ool, max schalaj a c'ool chucal. Yuj chi' ix ach siq'uel Dios, aton a Diosal. Ix yac' nivan tzalajc'olal d'ayach d'a yichan̈ juntzan̈xo eb' ay yopisio ed'oc.

Salmos 45:7 Referans Kwoze

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.

Salmos 21:6

Caw 'ix ac' 'a yaxilal 'a yib'n̈ 'a smasnil tiempo; yuj cha, til wal stzaljc'ojlal 'a ojltac.

Salmos 33:5

A Dios tzchamc'ojlej tas wach' yet' tas tojol, tzch'oxn 'el schamc'ojlal 'a smasnil yolyib'n̈q'uinl tic.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

A Tas Sc'ulejnac Eb' Schecab' Jesús Hechos 2:28

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac, xchi David 'a Ch'an̈ U'un̈.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

Salmos 101:8

Mamin Jehová, 'a junjn c'u, 'oj in satl eb' maysch'olnil snab'en 'a sat lum lum tic. 'Ixta wal 'oj wutc in satn 'el eb' tzb'on maysch'olnil 'a jun a chon̈b' tic.

Jn 1:16

A jun cha, caw tz'acn swach'c'ojlal. Yuj cha, tz'acn tzch'ox swach'c'ojlal chi 'ayn̈ec.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Salmos 89:26

'Oj yal 'ayn 'ixtic: In Mam ach, in Diosal ach, in Colmal aji. A 'aych tzin col in b'a, 'oj schioc.

Salmos 89:20

'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.

Salmos 11:7

Caw tojl snab'en Jehová, tzchamc'ojlej smasnil tas tojol; a eb' wach' snab'en, 'oj yil-lac 'och eb' sat yet'oc.

Lc 3:22

'Ix 'eml Yespíritu Dios 'a yib'n̈ 'icha yilx no parama, caw checl 'ix 'emli. 'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Mt 3:15

—Yowlal 'oj a b'o jun tic, yujto smoj tzqui yiclj jantcn̈ej tas tzyal Dios, xchi Jesús 'a 'a. 'Ixta to b'i'an, xyaln sc'ojl Juan cha.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

A Ch'an̈ B'ab'el Libro Yic Yab'ixal Eb' Rey 19:16

Ax win Jehú yunnal Nimsi, a win tza si'ch sreyloc chon̈b' Israel. Ax win Eliseo yunnal Safat, win 'aj chon̈b' Abel-meholá, a win tza si'x can 'och in checb'oc a jeloc.

Lv 8:12

Xlajw cha, xya'n pax q'ue Moisés perjuma 'a sjolm Aarón, yuj yochcn ya'malc 'och sti eb' 'anma 'a Dios.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Lc 13:27

Palta 'oj yalnc pax 'ayex: 'In tox xwal 'ayex, man̈ ex wojcoc, 'ajm 'ay ex. 'Eln̈ec e masnil ex tze b'o maysch'olnil, 'oj schic 'ayex.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.