Salmos 45:2 - Chuj San Sebastian Bible

² Ach rey, cojn ach yel xo wach' 'elx 'a yib'n̈ smasnil eb' winac. Man̈x jantcoc wach' paxti tzala, yujto 'ix yac' Dios syaxilal 'a eb'n̈ 'a jun 'ejmn̈ej.

Chuj San Mateo Bible

² Ach rey, a achn̈ej vach' ilji d'a yichan̈ masanil eb' vin̈ vinac. Te vach'n̈ej tas tzala', te jelan a loloni yujto syac'n̈ej svach'c'olal Dios d'a ib'an̈.

Salmos 45:2 Referans Kwoze

Lc 4:22

Ax eb' 'ayc' ta', c'uxn xlaj yal eb' wach'il. Caw 'ix sat sc'ojl eb', yujto caw wach' jun tzo'n̈ tas xyal 'a eb' cha. 'Ix laj yal-lanc eb' 'ixtic: —'In yunnal José jun win tic. ¿'Aj xyij sjelnal tic jun? xchi eb'.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

Jn 7:46

—'In caw may junc mach tza'wni wal spaxtin 'icha jun cha, xchi eb' policía cha.

Salmos 21:6

Caw 'ix ac' 'a yaxilal 'a yib'n̈ 'a smasnil tiempo; yuj cha, til wal stzaljc'ojlal 'a ojltac.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Pr 22:11

A win rey caw tzalj win yuj junc wach' nab'enal, tzch'ox win swach'c'ojlal 'a mach wach' spaxtini.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Pr 5:2

sec 'ixta 'oj 'aj snachj 'el o'oj, ax sta'n a paxtin yet' a jelnal.

Is 33:17

Ex 'aj Sión, 'oj eyil jun qui reylec yet' stzictznial, 'oj c'och smacb'en jun nacion̈ tic 'a caw najat.