Salmos 45:16 - Chuj San Sebastian Bible

¹⁶ A wal eb' onnal ach rey, a eb' 'oj 'em wocn 'a sdespacho can eb' a mam echam, ax a'n 'och eb' yajlil 'a yib'n̈ smasnil a macb'en.

Chuj San Mateo Bible

¹⁶ Ach rey, a eb' uninal ol em c'ojan b'aj tz'emtaxon c'ojan eb' a mam icham. Ol ac'anoch yopisio eb' yic syilan masanil yol a macb'en tic eb'.

Salmos 45:16 Referans Kwoze

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Apoc 20:6

Caw wach' yic eb' tzb'ab'l pitzw cha. Yicn̈ej Dios yaj eb'. May spoder jun schab'l chaml 'a yib'n̈ eb'. 'Oj 'ajxc yopiso eb' ya'n 'och sti 'a Dios yet' 'a Cristo. Jun mil ab'il 'oj yac' eb' yajlil yet'oc.

Salmos 22:30

Ach Cajlil on̈, a eb' quin̈tl b'a'n̈ on̈, 'oj yac' 'ejm sb'a eb' 'ayach, 'oj alxoc 'el ab'xil yuj eb' 'a eb' 'anma tot 'oj 'aljoc.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.