Salmos 45:14 - Chuj San Sebastian Bible

¹⁴ Wach'x yaj 'ix sb'o yet' spichul, 'ijx cab' 'at 'ix 'a win rey cha. Tza'n 'och jun tzo'n̈ eb' 'ix cob'stac 'ix yitb'eymoc 'ix, atn eb' 'ix swach'c'ojl 'ix.

Chuj San Mateo Bible

¹⁴ Vach'n̈ej yaj sb'o ix yed' spichul, tz'ic'jib'at ix d'a vin̈ rey. Tzac'anoch eb' ix cob'estac yuc'levoc ix, aton eb' ix yamiga ix.

Salmos 45:14 Referans Kwoze

2 Co 11:2

Caw wal tzex in ya'ilej, 'icha wal tzyutj Dios ex sya'ilni. Yujto tox xwac' in trato yet' Cristo, chajtlto 'oj ex wac' 'a yol sc'ab'. 'Icha junc cob's 'ix mant 'a jac smul, tz'ajx 'och 'a yol sc'ab' yichmil, comnoc 'ixta 'ex, yic 'oj ex wa'nc 'och 'a yol sc'ab' Cristo.

Cantares 8:13

Ach cob's chamc'ojlb'il wu'uj, to 'aych 'ec' 'a scal te 'awb'ente', caw tzin nib'j tzwab' a paxtini. An̈jtona eb' qui wach'c'ojol, tznib'j pax eb' yab' a paxtini, xchi winac.

Cantares 6:13

Meltzjan̈ coti, meltzjan̈ cot ach sulamita, caw tzqui nib'j ach quila', xchi eb'. ¿Tas tze nib'j eyil 'ayn an sulamita in tic? xchi 'ix. Tzqui nib'j quil a q'ue b'atnjoc a chan̈lwi, 'icha chan̈l tz'och 'a camplamento, xchi eb'.

Cantares 6:8

Wach'xam 'ay 60 eb' 'ix wistzil 'aych reinail, yet' 80 eb' 'ix in chab'l 'istzil, yet' pax eb' 'ix cob'stac to man̈x b'ischjb'enoc,

Cantares 6:1

Ach cob's yel xo wach' yilx 'a scal eb' 'ix 'ix wach' yilxi, ¿'ajtil xc'och ni quelm chamc'ojlb'il oj cha? ¿'Ajtil x'atcn na, sec tzon̈ 'at qui say ni et' on̈? xchi eb'.

Cantares 2:7

Ex cob'stac 'ix 'aj Jerusalén, ta'wjec can e ti'oc, tze locn sb'i e no c'ultquil chej 'a calte', to man̈ e pitzl swayn̈ 'unx cob's chamc'ojlb'il wu'uj, munto 'oj 'el swayan̈, xchi winac.

Ex 28:39

Tza'n b'o junc xo te pichl yel xo jucan, a te lino ch'al tz'och 'a te'. An̈jtona lino pax te ch'al tz'och 'a te sc'oxl jolm cha. Ax te sjal-l snan̈al, wach' pax tz'aj yoch yelwnub'l yuj mach tzb'oni.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Jueces 5:30

Tecnto wan spojn 'ec' win jantc tas 'ix yijcan 'ec' 'a owl cha. Wan am si'lni ewin junjnoc eb' 'ix cob'stac chi yistloc, mto chatcwan̈oc eb' 'ix 'a junjn ewinac. Am te pichl caw wach' yilx yelwnub'l xyique'ej win Sísara cha; jun am wal xyij winac, mto chab' xyij winac, am te caw wach' yaj stz'isx 'ejm yelwnub'l sat 'a schapaq'uil, am te 'oj ya'ch win 'a sjaj yujto xyac' ganar owl cha, xchi eb' 'ix.

Ex 27:16

An̈jtona pax 'aj tzon̈ 'och 'a jun 'amc' cha, yowlal tz'och pax junx te cortina smacloc sti'. B'aln̈e metro tz'aj te', tzb'o te 'a te q'uic'mucnac ch'al, te púrpura, te chac yet' te lino ch'umb'il. Wach' tz'aj yoch yelwnub'l yuj mach tzb'oni. Tz'em pax chan̈e yoyal, chan̈e pax sb'achnub'al yalan̈.