Salmos 42:6 - Chuj San Sebastian Bible

⁶ Ach in Diosal caw wal 'ay in cusc'ojlal, yuj cha, til wal 'ejm tzach in na cot 'a lum lum 'ay 'a sti a Jordán yet' 'a lum switzl Hermón yet' lum Misar.

Chuj San Mateo Bible

⁶ Ach in Diosal te cusc'olal vaj ticnaic, yuj chi', man̈ jantacoc ach in naancot d'a yol yic a' Jordán yed' d'a yol yic svitzal Hermón yed' svitzal Mizar.

Salmos 42:6 Referans Kwoze

Salmos 61:2

'Ayn 'ec' 'a 'aj tzlajw wul sti lum lum tic yic tzin 'awj 'ayach, yujto caw tz'el yip in pixn tzwab'i. 'Ij in 'at 'a 'aj 'ay junc niwquil q'ue'en, 'a'n can q'ue 'a yib'an̈, sec tzin colchji.

Jonás 2:7

A wal yic wan slajw in q'uinl xwab'i, ach in nan cot Mamin Jehová. 'Ix c'och in lesl 'aych 'a atut to ec yaji.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

A Ch'an̈ Schab'l Libro Samuel 17:22

A yic xyab'n David jun cha, 'ix q'ue wan yet' smasnil eb' 'anma ajun yet' cha, caw ji'ltixn̈ej x'ec' eb' 'a yojl a Jordán. Ax yic sacb'el 'a junx c'u cha, man̈x junc eb' 'anma tzat c'axw 'ec' 'a yojl a'.

Mt 27:46

Xlajwn̈ej cha, caw 'ip x'awj chan̈ Jesús, xyaln 'ixtic: —Eloí, Eloí, ¿lama sabactani? xchi. Tzyal 'el'chi: Ach in Diosal, ach in Diosal, ¿tas yuj tzin actj can in ch'ocoj? xchi.

Mt 26:39

Xlajw cha, 'ix 'at jab'xo, 'ix 'em lachn 'a sat lu'um, 'ix leslwi 'ixtic: Mamin, 'ij 'ec' jun yailal tic 'a wib'an̈, toto tztac' tza na'a; palta man̈ 'ichaoc tzin nib'j an tic, 'icha cab' tas tza nib'ej, xchi.

Salmos 133:3

Lajn pax 'icha chicb'chan̈ tz'em 'a lum jolm witz Hermón, mto 'a lum tzaln Sión. A 'a Sión cha, ata tzya' cot Jehová swach'c'ojlal, atn q'uinl 'a jun 'ejmn̈ej.

A Ch'an̈ Schab'l Libro Samuel 17:27

Ax yic xc'och David 'a chon̈b' Mahanaim, 'ix 'elt jaywn̈ eb' winc wul scha': win Sobi yunnal Nahas 'aj Rabá yic eb' yin̈tl Amón; win Maquir yunnal Amiel 'aj Lodebar, yet' pax win Barzilai 'aj Rogelim 'a yol yic Galaad.

Salmos 43:5

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.