Salmos 42:2 - Chuj San Sebastian Bible

² Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Chuj San Mateo Bible

² Ach Dios pitzan, a val in pensar tzach nib'anochi, ¿b'aq'uin̈ ol in c'och d'a ichan̈ junelxo?

Salmos 42:2 Referans Kwoze

Salmos 63:1

Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Salmos 84:2

Til wal in nib'n waj 'a yamq'uil atut ach in Diosal, ach 'aj q'uinl ach. 'A smasnil in c'ojol tzin b'itn 'ayach.

Salmos 84:4

Caw wach' yic eb' 'ayc'n̈ej yil yopiso 'a atut, may tz'aj stzactzj eb' ach sb'itnani.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Job 23:3

Comnoc wal tztac' wojcan 'eli 'aj tztac' in chan in b'a yet'oc; 'ayc wal tz'aj wojcan 'eli tas tzin 'aj in c'och 'a sdespacho.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

Jn 5:26

Yujto a 'in Mam, 'ay spoder ya'n sq'uinl eb' 'anma'. Ya'jnac can pax jun spoder chi 'ayn an Yunnaln tic. Yuj cha, an̈jtona 'in, tztac' wa'n pax sq'uinl eb'.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Ex 23:17

An Jehová in, an tzwala, to yowlal 'ox 'ejm tzjaw smasnil eb' winc 'a wojltac, atn 'a yic tze nan 'oxe q'uin̈ tic 'a junjn ab'il.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

Salmos 63:3

Yujto a 'a chamc'ojlal, yel xo wal niwn yel'ch 'a yib'n̈ in q'uinal. Yuj cha, 'oj ach in b'itnoc.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.