Salmos 41:10 - Chuj San Sebastian Bible

¹⁰ Mamin Jehová, 'o'ch cab' wal a c'ojl 'ayin, 'ac' jawc pax in c'ojol, ax wa'n in pac 'a eb' 'ajc'ojl cha.

Chuj San Mateo Bible

¹⁰ A achxo Mamin Jehová, oc'oc val a c'ool d'ayin. Ic' in q'ue vaan yic ol vac'anec' in pac d'a eb'.

Salmos 41:10 Referans Kwoze

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

Salmos 3:3

Palta wojtac to in Colmal aji, ach tzin ej cha'an̈, tza'n in te'nal.

A Ch'an̈ Schab'l Libro Samuel 15:12

Ya' sb'a wan ya'n win xajmb'al, 'ix 'at ya'nc win cot win Ahitófel 'aj chon̈b' Guiló. A win tz'a'n snab'enoc David. Til wal 'anma chi 'ix 'och tza'n yuj win Absalón cha.

Job 19:19

A eb' caw wach' waj yet'oc, in spatquilj can 'el eb', a eb' caw wal tzin tzalj yet'oc, 'ix meltzj 'och eb' 'ajc'ojlal 'ayin.

Salmos 55:13

Ocxo jun, a jun 'ixta tzin 'utn cha, caw wu'lem si'mb'il, in wach'c'ojl in b'a yet'oc.

Salmos 55:14

Moln in 'at yet' 'a yatut Dios, tzin mol paxtin yet'oc, caw in wach'c'ojl in b'a yet'oc.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Abdías 1:7

Smasnil eb' 'aych eyet'oc, 'oj ex yixtc eb', 'oj ex spechl eb' 'a sat e lu'um. A wal eb' e wach'c'ojol, caw 'oj meltzjoc 'och eb' 'ajc'ojlal 'ayex, 'oj yac' 'ejm eb' ch'an̈ yal 'a yol e b'e, palta ma'oj eyil cot e b'a.