Salmos 40:12 - Chuj San Sebastian Bible

¹² Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

Chuj San Mateo Bible

¹² Yujto te ay tas sjavi d'a vib'an̈, maxtzac b'ischajlaj vuuj. In yamchajelta yuj in chucal. Ichato maxtzac yal-laj vilani. Ec'b'al in chucal chi' d'a yichan̈ sb'isul xil in jolom. Vanxo somchajel in c'ool.

Salmos 40:12 Referans Kwoze

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

Salmos 73:26

Ach in Diosal, wach'xam tz'el yip in niwnal, palta ax 'aych tz'ilchj smasnil tas tzin nib'j 'a smasnil tiempo, tza'n pax in te'nal.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

Salmos 116:3

A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

Lc 21:26

Caw 'oj sacb'oc 'el eb' 'anma yuj xiwlal, yic 'oj snanc eb' yuj tastc 'oj jawc 'a yolyib'n̈q'uinl tic, yujto 'oj tzicb'tan̈xoc jun tzo'n̈ 'ay spoder 'a satcha'an̈.

Gn 42:28

Xyaln win 'a ewin yu'tac chi 'ixtic: —'Iltec wali, xya'x meltzjoc ewin q'uen in tumin, 'ay 'ejm q'uen 'a sti 'in coxtl tic, xchi winac. Caw x'ib'x eb' smasnil yuj xiwlal, xyaln junjn eb' 'a 'ixtic: —¿Tas yuj 'ixta tzon̈ yutjec Dios? xchi ewinac.

Salmos 61:8

'Ixta 'oj wutc in b'itnan a b'i 'a smasnil tiempo. 'A junjn c'u ax in yiclni tas 'aj 'ix wac' in ti 'ayach.