Salmos 40:10 - Chuj San Sebastian Bible

¹⁰ May 'ajtil xin c'ub'j 'el a tojlal. A wico', to 'ix walcn 'eli chajtlto tzac' 'el'choc tas tzala, yet' pax colnb'il tzac'a. May xon wal 'aj xin c'ub'j 'el a chamc'ojlal, yet' a wach'l 'a sat eb' a chon̈b' 'a 'aj tzyam sb'a eb'.

Chuj San Mateo Bible

¹⁰ Malaj b'aj max valel a tojolal. Ix valel yab'ixal to tz'eln̈ejc'och tas tzala', tzac'anpax colnab'il. Malaj b'aj ix in c'ub'ejel d'a yichan̈ eb' a chon̈ab' molaneq'ui, to te nivan a vach'c'olal, yeln̈ej pax tzala'.

Salmos 40:10 Referans Kwoze

Salmos 34:6

'Ix wal in b'a 'a 'a, yujto caw 'oltac wilxi; yajn̈ej 'ix yab'ni, in scoln can 'el 'a scal smasnil in somc'ojlal.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

1 Ts 1:8

Eyu'uj, 'ix pucb't yab'xil Cajlil 'a junjn lugar. C'uxn xlaj yab' eb' 'a Macedonia yet' pax eb' 'aj Acaya, chajtlto caw tzeya'ch Dios 'a e c'ojol. Man̈ cojnoc eb' x'ab'ni. 'Ix laj yab' pax eb' 'a junjn lugar. Yuj cha, man̈x yowlalc an̈ tzcal-l eyab'xil 'a scal eb' 'anma 'on̈.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Lc 3:6

Ax yiln eb' 'anma smasnil, to 'ay jun colnb'il tzyac' Dios, xchi jun 'aw cha, xchi 'a Ch'an̈ Un̈ cha.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

Ez 2:7

'Oj al in paxti tic 'a eb', toxn̈ej 'oj scha eb' yab'i', mto ma'ay, yujto caw pit eb'.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Salmos 89:1

Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Salmos 22:26

A eb' meb'a', 'oj wa eb' si'mb'il, caw wal 'oj b'ut'joc eb'. Ax eb' tznib'n a colwal, 'oj yal eb' wach' paxti 'ayach. Pitznn̈ej cab' eb' 'a jun 'ejmn̈ej.

Salmos 75:9

Palta an tic, 'oj waln̈j 'el yab'xil qui Diosal an̈ yin̈tl on̈ Jacob tic, ax in b'itn yet' in wach' paxti 'a 'a.