Salmos 39:12 - Chuj San Sebastian Bible

¹² Mamin Jehová, 'ab' wal in lesal, 'a' cot wal a chicn 'ayin yic tzwaln in b'a 'ayach. Man̈ ton̈joc tzach 'och q'ueln 'ayin yic tz'el yal in sat, yujto 'e'lb'a wec' 'a a sat, 'icha 'e'nc eb' in mam wicham.

Chuj San Mateo Bible

¹² Mamin Jehová, ab' in lesal tic, cotan̈ q'uelan d'ayin ayic svalan in b'a d'ayach. Man̈ ac' sat a c'ool d'a yal in sat tic. Mamin, a d'ayach, eq'uelb'an̈ej vec' d'a sat luum tic icha eb' in mam vicham.

Salmos 39:12 Referans Kwoze

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

Salmos 119:19

Ton̈j 'e'lb'a wec' 'a sat lum lum tic, 'ac' wojcoc 'el a checnb'il.

Lv 25:23

A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

Salmos 56:8

B'isb'il o'oj jay 'ejm tzin 'elq'ui, ojtac jantc wal tzin 'aj woq'ui. Tz'ib'b'il jun tzo'n̈ tic oj 'a a libro.

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Salmos 116:3

A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.

Job 16:20

Ex in wach'c'ojol, 'in ton̈j tzex b'uchwj 'ayin, an xo tic, tzin 'o'n̈j 'a yojltac Dios.

A Ch'an̈ Schab'l Libro Samuel 16:12

Lemb'il 'oj in yil cot Jehová yet' in cusc'ojlal tic, ax 'oj 'ajoc, to 'oj yac' swach'c'ojlal 'a wib'n̈ yuj tas tzalx 'ayn tic, xchi.

2 Co 5:6

Yuj cha, smasnil tiempo, tzca'c 'och Dios yipc qui c'ojol. Cojquec, ya' sb'a 'ayn̈ect 'ec' 'a jun qui niwnalec tic, mant toc 'ayn̈ec 'ec' 'a jun catut 'aj 'ayc' Cajlilec.

Salmos 102:1

Mamin Jehová, chaj wal in lesl tic, comnoc wal tzc'och yel waw 'ayach.

Salmos 119:54

A jun tzo'n̈ a checnb'il tic, a eb' xwa'ch in b'itc 'a tzann̈j 'aj 'ayn 'eq'ui.

Gn 21:34

Najtl 'e'nc Abraham 'a slum ewin filisteo cha.

Job 13:28

A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.

Salmos 90:9

A yowl a c'ojol, a tzon̈ satn 'el on̈. A jaye ab'il qui q'uinl tic on̈, lajn wal yec' 'icha tzcutj qui'n quic' jun 'ejmoc.