Salmos 39:11 - Chuj San Sebastian Bible

¹¹ Ach tzon̈ a cuy on̈, tza'n 'och qui yailal yuj qui mul on̈, 'icha to 'ijctac xo tzotjcan tas yel xo tzqui chamc'ojlej on̈. Qui masnil on̈, caw may yel'ch yec' qui q'uinal, lajn 'icha qui'n quic' jun 'ejmoc.

Chuj San Mateo Bible

¹¹ A ach tzac'och co yaelal a on̈ anima on̈ tic. Tzac'anoch co tz'uumal yuj co mul. A ach tzac' lajvoc tas nib'ab'il cuuj, ichato tz'ijaxb'ati. Co masanil, icha val quic'an quic', icha chi' yec' co q'uinal.

Salmos 39:11 Referans Kwoze

Job 13:28

A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.

Is 50:9

A Jehová Wajlil a tzcolwj wet'oc. ¿Mach 'oj stac' ya'n 'och junc tas 'a wib'an̈? Smasnil eb' 'ajc'ojl yajch 'ayin, c'uxn 'oj lajwc 'el eb' 'icha junc 'ichm pichl 'ayx 'och 'ij 'a 'a.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

A Ch'an̈ Carta D'a Eb' Hebreo 12:6

Yujto a eb' chamc'ojlbil yuj Cajlil, caw tzyac' cuenta eb'. A eb' tzyij 'och yunnaloc, caw tzyac' syailal eb', xchi 'a Ch'an̈.

1 Co 5:5

Ax jun winc cha, 'ajx cab' can 'och 'a yol sc'ab' Satanás, satx cab' can 'ejm sniwnal, sec 'oj colchjoc 'el spixan yic 'oj jawc pax Cajlil Jesús.

A Schab'il Carta San Pedro 2:16

Ax no b'uru, cojquec matz tac' spaxtin no'. Palta 'ay jun no tumjnac win yuj smul cha. Paxtinnac no 'icha junc 'anma'. A no tenjnac 'och wan win yuj sman̈ nab'enal chi sb'o cha. Palta cob' schecb' Dios yaj winac.

Os 5:12

An tzwixtj 'el chon̈b' Efraín 'icha tzyac' no 'ij. Tzwixtn pax chon̈b' Judá 'icha tzyac' no c'osnoc'.

Job 30:30

A 'in niwnal tic, caw wal tzchiwj smasnil yuj c'ac', 'ix q'uic'b' pax 'el in tz'umal.

Job 4:19

Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.

Job 9:34

Comnoc a tzalni yic tzyi'n 'el Dios in yailal tic, tzyactn in ya'n 'och 'a xiwc'ojlal.