Salmos 38:12 - Chuj San Sebastian Bible

¹² A eb' tzin nib'n milnc chamoc, tzlaj yac' 'ejm eb' yal 'a wojltac. A eb' tznib'n juwc 'el in nab'en, tzlaj b'ey sti eb' 'a in patic, sec tzin juw can 'el yuj eb'. Junjn c'u tzsayn eb' tas tzin yutej.

Chuj San Mateo Bible

¹² A eb' sgana in smilanchamoc, van yac'anem in yaalil eb'. A eb' snib'an yac' chucal d'ayin, an̈ej chucal syal eb' d'a in patic. Max ochlaj vaan eb' snaub'tan̈an tas ol in yutoc d'a elc'altac.

Salmos 38:12 Referans Kwoze

Salmos 35:20

Yujto man̈oc junc'ojlal tzsayc' eb'; a yic eb', to tzsay eb' tas tzyutj stzuntzn eb' to tzaljc'ojlal yaj 'a yol schon̈ab'.

Salmos 140:5

A jun tzo'n̈ b'an̈quintac 'anma cha, 'ix sc'ultac 'a'j 'ejm eb' syal 'a yol in b'e. 'Ix yac' 'ejm eb' ch'an̈ ya'al yet' jun tzo'n̈ 'icha chim 'a yol in b'e cha.

Salmos 141:9

Coln 'el 'a jun tzo'n̈ ch'an̈ yal 'ay 'ejm 'a wojltac yuj eb' tzb'on maysch'olnil.

Salmos 35:4

A eb' tzin nib'n milnc chamoc, somchj cab' 'el eb' yuj q'uixwc'ojlal, ax eb' tznib'n tas tzin yutej, meltzj cab' eb' 'a spatc yuj xiwc'ojlal.

Salmos 119:110

A eb' maysch'olnil snab'en, 'ix cob' yac' 'ejm eb' syal 'a wojltac, palta ma'ix wij 'el in nab'en 'a a checnb'il.

Salmos 54:3

yujto a eb' b'an̈quintac 'ix 'och eb' 'ajc'ojlal 'ayin, tznib'j eb' tzin smil chamoc. Caw may el'ch 'a sat eb'.

Salmos 10:9

'Icha junc no león 'aych 'a yol sn̈aq'ue'en, tz'em lachan, tzb'in sb'a, tz'e'x lin̈n̈oc, 'ixta wal tzyutj eb' sc'ub'n 'el sb'a 'a yic tzmacn eb' yec' eb' 'emmquilal yeq'ui. Ax yic tzyamchj eb' yuj eb', tzyi'n 'at eb'. 'Ixta tz'aj syamchj eb' matz tac' scoln sb'a cha.

Job 19:13

A Dios 'ix 'i'n 'el eb' wu'tac 'a in tz'ey yet' smasnil eb' in wach'c'ojol, 'icha xoj wal comn 'anma tzin yutj can eb'.

Salmos 31:12

Jun 'ejmn̈ej in 'atcn satc'ojlal yuj eb', 'icha to chamnc in xo. Lajn in 'icha wal junc xalu caw choc' yaj spoji.

Salmos 41:5

A eb' 'ajc'ojl yajch 'ayin, caw tu tzyal eb' 'a in patic; tzyaln eb' 'ixtic: ¿B'a'n̈ wal 'oj chamoc, sec man̈x 'a mach 'oj nanc coti? xchi eb'.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

Salmos 88:9

Caw wal tzin 'oc' si'mb'il, tzmal yol in sat woc' yuj in cusc'ojlal. Mamin Jehová, 'a junjn c'u tzwaln in b'a 'ayach, a 'aych tzin moj q'ue in c'ab'.

Pr 19:7

A eb' meb'a', tzpatquilx can 'el eb' yuj eb' yican, ocxom eb' swach'c'ojl eb', ¿tom at eb' chi ma'oj 'actnoc can eb'? Nab'axoj tzsay eb' tas tzyutj yawtn cot eb'.