Salmos 37:16 - Chuj San Sebastian Bible

¹⁶ Yel xo wach' jab' wal tas 'ay 'a eb' 'anma wach' snab'en, 'a yib'n̈ sricoal eb' maysch'olnil sb'eyb'al.

Chuj San Mateo Bible

¹⁶ Yelxo val te vach' jab'oc tas ay d'a eb' anima vach' spensar, d'a yichan̈ sb'eyumal jantac eb' sc'ulan chucal.

Salmos 37:16 Referans Kwoze

Pr 16:8

Yel xo wach' toto tzon̈ munljec 'a stojlal, wach'xam jab' wal tas tzca'c ganar 'a qui munljelec, 'a yib'n̈ to niwn tzcac' ganar 'a spatc munljel man̈ tojloc.

1 Ti 6:6

Yel toni, caw niwn swach'l tzqui chaj 'a spatc qui cuynb'il, toto tzqui na'a, colb'il tzyac' jun tzo'n̈ tastc 'ay 'ayn̈ junjn on̈.

Pr 13:25

A mach to tojl snab'en, caw 'ayn̈j tas 'oj sc'uxu', ax mach to tu snab'en, wejln̈ej yaj 'a smasnil tiempo.

Pr 3:33

Tzya' cot Jehová catb' 'a yib'n̈ eb' maysch'olnil, palta ax eb' wach' sb'eyb'al, a yaxilal tzya' cot 'a yib'n̈ eb'.

Mt 6:11

Tzac' tas tzqui c'ux 'a jun c'u tic on̈.

Ec 4:6

Palta an xo tic tzwal pax 'ixtic: Yel xo wach' jab' wal tas 'ay 'ayn̈ec toto tzaljc'ojlal cajec, 'a yib'n̈ to cob' niwn tas 'ay 'ayn̈ec, palta yel xo tzquixtjec qui b'a qui sayni, xin chi.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.