Salmos 34:3 - Chuj San Sebastian Bible

³ Qui mol 'i'c chan̈ sb'i yuj calnec wach' paxti 'a 'a.

Chuj San Mateo Bible

³ Alequel yab'ixal sb'inajnaquil Jehová ved'oc, junn̈ej scutej quic'anec chaan̈.

Salmos 34:3 Referans Kwoze

Salmos 69:30

'Oj wal wach' paxti yet' in b'it 'a sb'i in Diosal. Caw 'oj wal yuj diosal 'a yet' in b'it.

Lc 1:46

Xlajw cha, xyaln María 'ixtic: Yet' smasnil in c'ojol, tzwal wach' paxti 'a Cajlil;

Salmos 40:16

Palta ax smasnil eb' tzyal sb'a 'ayach, tzalj cab' eb'. A eb' tznib'n a colwal, yal cab' eb' 'ixtic: A Jehová caw niwn yel'chi, xchi cab' eb'.

Salmos 66:8

Smasnil niwc nacion̈ yal cab' wach' paxti 'a qui Diosalec. 'Ab'x cab' sq'ue yaw eb' sb'itni,

Salmos 35:27

Palta ax eb' tznib'j 'ilnoc tas tzin 'aj 'el'chi, tzalj cab' chan̈ eb', b'itn cab' eb' yet' tzaljc'ojlal. Nachji tzyaln cab' eb' 'ixtic: A Jehová caw niwn ton yel'chi, 'ay cab' stzaljc'ojlal yuj swach'l jun schecb' tic, xchi cab' eb'.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

2 Cr 29:30

Xlajw cha, a win rey yet' eb' yajl yaj yet'oc, xyaln eb' 'a eb' levita to tzyal eb' wach' paxti 'a Jehová, yet' jun tzo'n̈ b'it yic David yet' yic Asaf, atn schecb' Dios. Caw 'ix yal eb' wach' paxti 'a tzaljc'ojlal, 'ix 'em cumn eb' yaln sb'a.

1 Cr 29:20

Xlajw cha, 'ix yaln David 'ixtc 'a smasnil eb' 'anma': A ticnec ex wit chon̈ab', alc wach' paxti 'a Jehová qui Diosalec, xchi. Xlajw cha, 'ix yaln smasnil eb' 'anma wach' paxti 'a Dios, atn sDiosal eb' yet' smam yicham. 'Ix 'em cumn eb' 'a yojltac Dios yic 'ayc' eb' 'a yojltac win rey cha.

A Tas Sc'ulejnac Eb' Schecab' Jesús Hechos 19:17

Ax eb' 'anma smasnil 'aj Efeso cha, wach'xam eb' israel, mto eb' man̈ israeloc, c'uxn xlaj yab' eb' speclal jun cha. Yuj cha, caw 'ix xiw eb' smasnil. 'Ix yaln eb' wach' paxti 'a Cajlil Jesús.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

1 Cr 16:10

Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.

Salmos 69:33

A Jehová, schaj yab' tas tzyal eb' meb'a', matz patquilj can 'el eb' yic 'aych 'a preso.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Jeremías 9:24

An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.