Salmos 34:22 - Chuj San Sebastian Bible

²² A Jehová a tzcoln 'el eb' schecab'. Ma'oj 'ajxoc 'och syailal eb', yujto a 'aych yipc sc'ojl eb'.

Chuj San Mateo Bible

²² Axo Jehová ol colan eb' schecab'. A eb' scol sb'a d'ay, man̈ ol cotcanlaj d'a yib'an̈ eb'.

Salmos 34:22 Referans Kwoze

Salmos 103:4

A tzin coln 'el 'a yol sc'ab' chamel, tzin schamc'ojlani, tz'o'ch pax sc'ojl 'ayin.

Salmos 71:23

'Oj in tzalj ach in b'itnani, yujto ach in a colo.

A Ch'an̈ Schab'l Libro Samuel 4:9

'Ix ta'w David chi 'a eb' 'ixtic: —A yic xjaw jun winc 'ayn 'a Siclag, yic tzwul yalnc 'ayin, to a Saúl tox 'ix chami, a snani to tzin tzalj yet'oc, palta xwa'n yamxoc coti, 'ix wa'n milxoc chamoc. Atn jun spac chi xwac' 'a 'a, yuj jun 'ab'x xwul yal 'ayn cha. Yuj cha, tzwac' in ti 'a yojltac Jehová, atn jun in coln 'el 'a smasnil somc'ojlal, chajtlto e moj 'ixta wal 'oj ex wutc pax ax tic. Caw maysch'olnil tas xe b'o'o, xe mil cham jun winc to may jac smul 'a yic waync 'a sat sch'at 'a yol yatut. Yuj cha, an 'oj in pactzoc wal schamlil chi 'ayex, 'oj ex in satl 'a sat lum lum tic, xchi 'a eb'.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Salmos 31:5

Mamin Jehová in Diosal ach, tzwa'cn 'ab'enal in pixn 'a yol a c'ab', yujto caw yeln̈j tas tzala.

Salmos 130:8

A 'oj qui colnec 'elt an̈ israel on̈c tic 'a yaln̈ qui mul.

A Ch'an̈ B'ab'el Libro Yic Yab'ixal Eb' Rey 1:29

'Ix yaln win rey 'a 'ix 'ixtic: —Tzwac' in ti 'a Jehová, jun in coln 'el 'a smasnil in cusc'ojlal:

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

Lm 3:58

Mamin, ach in a colcn 'elt 'a yol sc'ab' chamel.

Salmos 37:12

A eb' tzb'on maysch'olnil, tzna eb' tas tzyutj yixtn eb' 'anma to wach' snab'en, tzjuch'ch'i ye eb' yiln can 'at yet' schichnc'ojlal.

Salmos 37:15

Palta mun a yespada eb' chi 'oj tecxoc 'och 'a spixan, ax sjul-lab' eb' cha, 'oj wecchjoc cani.