Salmos 33:2 - Chuj San Sebastian Bible

² ¡Alc wach' paxti 'a Jehová yet' arpa! B'itnejec sb'i yet' salterio.

Chuj San Mateo Bible

² Alec vach' lolonel d'a Jehová yed' te' arpa. B'itanan̈ec d'ay yed' salterio lajun̈e' sch'an̈al.

Salmos 33:2 Referans Kwoze

Salmos 144:9

Ach in Diosal, 'oj in b'itnoc jun 'ac' b'it 'ayach; 'oj in b'itn yet' in salterio.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Apoc 14:2

Ax xwab'ni, x'och jun 'aw 'a satcha'an̈. Caw tzn̈il-li sjaj 'icha sn̈il-li jun tzo'n̈ niwc a'. An̈jtona', 'icha sn̈il-li pax c'u sc'an̈i. A jun cha, 'icha to caw niwn 'anma wan sonn yet' jun tzo'n̈ arpa.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.

Salmos 92:3

Til wal sja'l ach qui b'itnan yet' jun tzo'n̈ son ch'an̈ 'aych 'a 'a, atn arpa yet' pax salterio.

1 Cr 25:6

Ax smasnil jun tzo'n̈ eb' cha, a smam eb' tzjucb'tzani yic tz'och b'it 'a yatut Jehová yet' jun tzo'n̈ yamc'ab', atn platillo, salterio yet' arpa yic tz'och 'emmquilal 'a Dios. A Asaf, Jedutún yet' Hemán, 'aych eb' 'a yaln̈ schecnb'il win rey.

1 Cr 25:3

'A scal eb' yunnal Jedutún, wacwn̈ sb'ey eb': atn Gedalías, Seri, Jesaías, Simei, Hasabías yet' Matatías. A mach tzjucb'tzan eb', atn Jedutún smam eb', a tzaln 'el spaxti Dios yet' jun tzo'n̈ arpa yic tz'och b'it yic tzalx yuj diosal yet' yic tzalx pax wach' paxti 'a Jehová.

1 Cr 15:28

Smasnil eb' israel caw tzya'l eb' yaw yuj tzaljc'ojlal, yic 'ix 'ijx cot te caxa cha. 'Ix 'utz'x pax cacha, trompeta, syucn eb' platillo, salterio yet' arpa.

1 Cr 15:16

An̈jtona', 'ix yaln pax David 'a eb' 'aych yajlilc 'a yib'n̈ eb' levita, to a 'a scal eb' yin̈tl eb' cha, ata tzsic' 'elt eb' nan̈loc eb' tzb'itn 'a tzaljc'ojlal yet' jun tzo'n̈ yamc'ab', atn salterio, arpa, yet' platillo.

A Ch'an̈ Schab'l Libro Samuel 6:5

Ax David yet' smasnil eb' chon̈b' cha, yet' wal 'a smasnil sc'ojl eb', tzq'ue b'atn̈joc eb' yuj tzaljc'ojlal sb'itn 'a yojltac Jehová yet' jun tzo'n̈ yamc'ab' yic b'it, atn arpa, salterio, pandero, castañuelas yet' platillo.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Salmos 71:22

An xo tic, 'oj wal wach' paxti 'ayach. A wal a tojlal, 'oj in b'itnoc yet' arpa yet' pax salterio. Ach tic in Diosal ach, Cojxn ach toni.

Salmos 92:4

Mamin Jehová, ach 'ix ac' in tzaljc'ojlal yet' smasnil tas b'ob'il o'oj. A jun tzo'n̈ a b'ob'en tic, a eb' tzin 'a'n 'och 'a tzaljc'ojlal.