Salmos 33:10 - Chuj San Sebastian Bible

¹⁰ A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Chuj San Mateo Bible

¹⁰ A Jehová smac'an lajvoc spensar juntzan̈ ch'oc nacional.

Salmos 33:10 Referans Kwoze

Salmos 21:11

Wach'xam tznib'j eb' tzach yixtej, tzsayn wal eb' tas tzach 'aj 'ejmi, palta matz tac' xon yuj eb'.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

A Ch'an̈ Schab'l Libro Samuel 15:31

'Ix yaln eb' 'anma chi 'a David, to a win Ahitofel 'ajc'ojl xo yajch win 'a 'a, yujto yitb'eym xo sb'a win yet' Absalón. Yuj cha, 'ix sc'ann David chi 'a Jehová, to tzyac' juwc tas nab'il yuj win Ahitofel cha.

Salmos 140:8

Mamin Jehová, man̈ ac' tas 'icha tznib'j eb' 'anma maysch'olnil snab'en; man̈ ac' 'el'choc 'icha tas nab'il yuj eb', sec matz yij chan̈ sb'a eb'. Tzann̈j lugaril 'aj tzlaj 'och oyn eb' 'ayin, a tas tu tzlaj sna eb' 'a in patic. Cot cab' can 'a yib'n̈ eb'.

Salmos 9:15

A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

A Ch'an̈ Schab'l Libro Samuel 17:14

Yuj cha, 'ix yaln Absalón 'ixtc yet' eb' yichm wincal chon̈b' Israel: A jun nab'en tzyac' Husai tic, yel xo wach' 'a yib'n̈ yic win Ahitofel, xchi eb'. (Yujto a Jehová, a 'ix 'a'n juwc jun snab'en win Ahitofel cha, sec tzjaw maysch'olnil chi 'a yib'n̈ win Absalón.)

A Ch'an̈ Schab'l Libro Samuel 15:34

Palta yel xo wach' tzach pax 'a Jerusalén, ax yic tzach c'ochi, tzaln 'a win Absalón chi 'ixtic: Mamin rey, an tic tzin can a checb'oc, 'icha 'ix wutj wa'n servil a mam, 'ixta cab' tzin 'ajx cani, xa chi 'a 'a; 'ixta 'oj otc in a colni, yic 'oj a junc tas nab'il yuj win Ahitofel cha.

Gn 11:8

'Ixta 'ix 'aj sactzic can 'at eb' 'a sat lum lum tic yuj Jehová, 'ix yactn eb' sb'on jun chon̈b' cha.

A Ch'an̈ Schab'il Libro Yic Yab'ixal Eb' Rey 6:9

Xlajw cha, 'ix ya'n win schecb' Dios alxoc 'ixtc 'a sreyl Israel: Tan̈wj a b'a, man̈ ach 'ec' 'a jun lugar cha, yujto a eb' 'aj Siria 'oj 'at eb' ta', xchi.

Nehemías 4:9

Xlajw cha, on̈ leslwi 'a qui Diosal yuj eb' 'ajc'ojl cha. 'Ix ca'n 'och qui tan̈mal 'a junjn c'u on̈, 'a junjn 'ac'wal yic tzqui coln qui b'a 'a eb' on̈.

Jeremías 19:7

A 'a jun pan̈n tic, 'oj wac' juwc 'el tas nab'il eyuj ex 'aj Judá, yet' ex 'aj Jerusalén. 'Oj ex wac' telwc 'a yojltac eb' 'ajc'ojl tznib'j tzex miln chamoc, ax e niwnal, 'oj 'och schib'joc e no 'usej, yet' e no calte'al noc'.

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.