Salmos 32:3 - Chuj San Sebastian Bible

³ A yic mantzac wal q'uet in mul, ton̈j caw tz'el yip in niwnal tic tzwab'i, yujto ton̈j si'sni sjaw in c'ojl 'a junjn c'u.

Chuj San Mateo Bible

³ Ayic manto valq'uetalaj in mul, yelxo val ijan ix lajviel in nivanil ix vab'i, yujto ix in te c'acvi.

Salmos 32:3 Referans Kwoze

Salmos 38:8

Caw choc' yaj in niwnal, man̈x 'a pax wip; tzin c'acw wab'n syail.

Salmos 38:3

Yuj wal yowl a c'ojl 'a wib'an̈, yuj cha, smasnil in niwnal tic, caw ya yaji, may junc in b'acl wach', yujto 'ay in mul.

Lm 3:8

Wach'xam tzat cob' 'el waw in c'ann scolwal, man̈xtzac schaj xon in lesal.

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

Os 7:14

Man̈ smasnilc sc'ojl eb' tzin yawtn eb' 'a yic tzyaln sb'a eb' 'ayn 'a sat sch'at. Tzyam sb'a eb', yic tzc'ann cob' eb' 'ayin to wach' tz'aj strigo eb', sat yuva eb', palta caw wal tenmtac tzyutj sb'a eb' 'ayin.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Job 30:30

A 'in niwnal tic, caw wal tzchiwj smasnil yuj c'ac', 'ix q'uic'b' pax 'el in tz'umal.

Salmos 51:8

'Ac' tzaljoc in c'ojol, 'ac' jawc in tzaljc'ojlal jun 'ejm xo, wach'xam tox in a b'eyc'ojlej si'mb'il.

Lm 3:4

'Ix yac' 'ichmb'oc in niwnal, choc' xyutj can in b'aquil.

Lm 1:3

A eb' 'aj Judá, caw wal ya tzyab' eb' yujto ya munljel 'aj 'aych eb', 'ix 'ijx 'at eb' 'icha presoal. A ticnec, 'ayx 'ec' eb' 'a scal jun tzo'n̈ xo nacion̈, toxn matz 'ilj xon eb' jac smunlji. 'Ayx 'ec' eb' 'a scal yailal, 'ix yamchj eb' yuj eb' tzpechn b'eyc'oc.

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Is 51:20

Tox x'el yip eb' eyunnal, 'ix can eb' 'a ch'an̈yal 'icha tzyac' no c'ultquil chej. Telctac tz'ajcn eb' scham 'a 'aj tzchaj sb'a caye, lajwnac eb' yuj yowl sc'ojl Jehová, yujto a tz'a'n cuenta eb'.

Salmos 6:2

'O'ch cab' wal a c'ojl 'ayin, yujto man̈x 'a wip tzwab'i. 'Ac' jawc in c'ojl Mamin. Smasnil in niwnal, caw tz'el yip tzwab'i.

Job 30:17

A 'in yailal tic, c'uxn tz'och syal 'a yol in b'aquil; toxn matz 'och wan syail tz'ec' 'ac'wal.

Job 3:24

Tzcob' in nib'nc wa in b'a, palta ton̈j tzjaw si'snoc in c'ojl woq'ui, toxn matz 'och wan in c'acw wab'n syail.

A Ch'an̈ Schab'l Libro Samuel 11:27

Ax yic 'ix 'ec' scusc'ojlal 'ix cha, 'ix 'at ya'nc win David cot 'ix. 'Ix jaw 'ix 'a yatut win cha, 'ix 'och 'ix yistzilc winac. Xlajw cha, 'ix 'alj jun swinc 'unn 'ix. Palta a jun tas sb'ojnac David cha, caw wal maysch'olnil 'a sat Jehová.

Is 57:17

Yuj smul eb' israel 'ix ya'chi, yuj cha, in owx 'och 'a eb', xwi'n 'el in b'a 'a stz'ey eb'. Palta 'ix yac' pitb'oc 'el sb'a eb', sb'on eb' tas 'icha tznib'ej.

A Ch'an̈ B'ab'el Libro Samuel 31:13

Xlajw cha, 'ix swach' mucj can eb' sb'acl eb' chi 'a yich jun te te 'ay 'a yol yic Jabes cha. Uque c'u 'ix 'och eb' 'a c'ajb'c'ojlal yet' 'a cusc'ojlal yuj eb' xcham cha.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.