Salmos 31:2 - Chuj San Sebastian Bible

² Chaj ab' tas tzwala, caw coln muc'uc, wojtac to 'icha in n̈aq'uen aji, in cuartel ach, a 'aych tzin col in b'a.

Chuj San Mateo Bible

² Ac'cot tz'eyan a chiquin d'ayin, tzin a colan d'a elan̈chamel. Ochan̈ in n̈aq'ueenoc b'aj ol in col in b'a.

Salmos 31:2 Referans Kwoze

Salmos 102:2

Man̈ e'l a sat 'ayin, yic 'ayn 'och 'a in cusc'ojlal. Comnoc tz'el 'a a c'ojl ab'n tas tzwala. A yic tzach wawtni, tza pacn pax 'ayn muc'uc.

Salmos 86:1

Mamin Jehová scha cab' a c'ojl ab'n tas tzwala, yujto caw wal 'oltac in, til wal in cusc'ojlal.

Salmos 130:2

Mamin, 'ab' wal yel waw 'ayach, maclj wal ab' tas tzwala yic tzin c'ann tas tzin nib'ej.

Dt 32:31

Caw wal yojc eb' 'ajc'ojl cha, to a scolmal eb', matz tac' slajb'tzan sb'a yet' qui Colmal.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

Jn 6:56

Tzann̈j eb' 'oj chinc in chib'jal tic, ax yu'n pax eb' in chic'l tic, junxn̈ej tz'ajcn eb' wet'oc. An xo tic, 'ayn 'och pax 'a eb'.

Lc 18:8

An tzwal 'ayex, caw 'oj sb'oyaj eb' muc'uc. Palta an 'Ochnc in 'Anmal tic, a yic 'oj in jaw pax jun 'ejm xo, ¿tom 'an̈ja 'ay 'anma 'a yolyib'n̈q'uinl tic caw 'aych sc'ojl 'a Dios? xchi Jesús 'a eb'.

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Pr 22:17

Sictac tzex 'aj e maclni eyab' jun tzo'n̈ tic, tzcham wal e cuyn cani. 'Oj ex in cuy 'a tas yaljnac can eb' jeln snab'en.

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 94:22

Palta an xo tic, in Colmal aji, in Diosal ach, a 'aych tzwa'ch in nab'en.

Salmos 91:9

An̈ec xo tic, a Jehová a x'och qui Colmaloquec, atn jun niwn yel'chi, a 'a wach' qui colnec qui b'a.

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Salmos 69:17

Man̈ in a patquilc can 'el an a checb' in tic, ta'wj in muc'uc, yujto 'ayn 'ec' 'a scal tas 'ay smay.

Salmos 62:7

A 'a Dios tzcot in colnb'il, yuj cha 'ay wel'chi; a 'aych wen̈loc, ata tzin col in b'a.

Salmos 40:17

Caw wal 'oltaquin, cusc'ojlaln̈ej waji; ach in Diosal cotn̈ muc'uc, wul colin. Ach tzach colwjn̈ej wet'oc. Caw man̈ e'c tiempo Mamin.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

A Ch'an̈ Schab'l Libro Samuel 22:3

Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.

Salmos 7:2

Yujto lajn eb' 'icha no león yic ch'iychtan no schib'ej. Comnoc matz in ac' sch'iychtoc 'at eb', yujto may junc xo mach tztac' in scolni.

Salmos 25:2

Ach in Diosal tzach wa'ch wal yipc in c'ojol, man̈ a cha wac' in q'uixwloc, sec matz in stzetzj eb' 'ajc'ojl yajch 'ayin.