Salmos 30:7 - Chuj San Sebastian Bible

⁷ Mamin Jehová, yet' wal swach'l a c'ojol in e'n can 'och 'a 'aj may tas tzin 'i'ni. Palta ax yic xe'n 'el a b'a 'a in tz'ey, in somchj 'el yuj xiwc'ojlal.

Chuj San Mateo Bible

⁷ Mamin Jehová, yuj val svach'il a c'ool, ix in ac'canoch b'aj malaj tas tzin ic'ani. Palta ayic ix ic'anel a b'a d'ayin, ix somchajcanel in c'ool.

Salmos 30:7 Referans Kwoze

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 89:17

Yujto ach ton wal tzac' quip on̈, yuj a wach'c'ojlal tza'n cac' ganar on̈.

Salmos 40:2

In yij q'uet 'a jun xab' oln to yic chaml yaji. In scoln paxi, sec matz in 'em socn̈joc 'a lum yax lu'um. A 'a yib'n̈ jun q'ue'en, ata in yac'q'ue lin̈an, sec ata tzin te'wtzej in b'a.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Salmos 5:12

Mamin Jehová, 'ac' a yaxilal 'a eb' tojl tzyutj sb'a; tza coln eb' yet' a wach'c'ojlal.

Job 10:12

Ach xac' in q'uinal, yujto 'ay a chamc'ojlal 'ayin; in a tan̈wni paxi, yuj cha, pitzn in.

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Salmos 102:10

Yuj wal yowl a c'ojl 'a wib'an̈, yet' a c'a'lc'ojlal, yuj cha, in a tzicncha'an̈, in e'n 'el 'a ojltac.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Salmos 10:1

Mamin Jehová, ¿tas wal yuj najt tzej can 'el a b'a? ¿Tas yuj tza c'ub'j 'el a b'a yic stiempoal 'ay yailal?