Salmos 30:12 - Chuj San Sebastian Bible

¹² Ma'oj stac' to sictac 'oj waji. 'Oj ach in b'itnoc, ax waln wach' paxti 'aych 'a smasnil tiempo.

Chuj San Mateo Bible

¹² Yuj val chi' jun, ach Jehová in Diosal, max yal-laj vem numan. Tzin b'itan d'ayach d'a aloj vach' lolonel yed' ac'oj yuj diosal d'ayach d'a masanil tiempo.

Salmos 30:12 Referans Kwoze

Salmos 145:2

'A junjn c'u 'oj wal wach' paxti 'ayach, 'oj ach in b'itnoc 'a smasnil tiempo.

Salmos 44:8

Cojn wal 'aych 'oj cac' tzaljoc qui c'ojl 'a smasnil tiempo on̈, 'oj ach qui b'itnoc 'a junjn c'u.

Salmos 16:9

Caw wal tzalj in c'ojol, tzach in b'itnan 'a tzaljc'ojlal. Wach'xam 'oj cham in niwnal tic, palta wojtac to 'oj pitzwc paxi.

Lc 19:40

Yuj cha, xyaln Jesús 'ixtic: —Tzwal 'ayex, toto sictac tz'aj eb', toto man̈x 'a mach tz'awji, ax jun tzo'n̈ q'uen q'uen tic 'oj 'awjc cha'an̈, xchi 'a ewinac.

A Tas Sc'ulejnac Eb' Schecab' Jesús Hechos 4:20

Yuj cha, toxn matz tac' cactn can caln 'el yab'xil tas xquil on̈, yet' tas xcab' on̈, xchi eb'.

Salmos 71:23

'Oj in tzalj ach in b'itnani, yujto ach in a colo.

Salmos 71:14

An xo tic, 'aych 'och yipc in c'ojl 'a smasnil tiempo, caw 'oj ach in b'itnocn̈ej.

Salmos 57:8

A yic 'oj sacb'c 'el 'a junx c'u, ax yel in wayan̈, 'oj ach in b'itnoc yet' arpa yet' pax salterio.

Salmos 13:6

Mamin Jehová, yuj a wach'c'ojlal xac' 'ayin, ax in b'itn 'ayach.

Apoc 7:12

Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.

Gn 49:6

Jun 'ejmn̈ej matz in nib'j tzin c'och eyet' 'a 'aj tz'och eyamnil, yujto a yic xcot numjoc eyowal, xe miln cham eb' 'anma', yuj wal e tu nab'enal cha, xe ma'n wecchjoc yoc e no quelm wacax.

Ester 8:16

Yuj cha, a eb' israel caw wal x'el leynjoc xyil eb', man̈x jantcoc stzaljc'ojlal eb', caw x'ijx chan̈ eb' xyab'i.

Ester 9:22

Yujto a 'a jun tzo'n̈ c'u cha, ata 'ix yac' lajwc eb' israel eb' 'ajc'ojl yajch 'a 'a. A wal 'a jun c'ul cha, 'aych wal eb' 'a 'oq'uel, tz'el yaw eb' yuj chamel. Palta 'ix jelmji, tzaljc'ojlal xo x'aj 'el'chi. Yuj cha, a 'a jun tzo'n̈ c'u cha, ata tzna eb' q'uin̈, tzsiyn eb' tastc 'a 'a, tzya'n eb' scolwal 'a eb' meb'a'.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.