Salmos 3:4 - Chuj San Sebastian Bible

⁴ A yic tzin 'awj 'aych Mamin Jehová, tzach ta'w cot 'ayn 'a jun tzaln to ecn̈ej yaji.

Chuj San Mateo Bible

⁴ A tzin avaj d'ayach, tzin a tac'vej d'a jun tzalan b'aj syal sb'a eb' anima d'ayach.

Salmos 3:4 Referans Kwoze

Salmos 34:4

In 'awj 'a Jehová, yajn̈ej in sta'wni, 'ix yi'n can 'el smasnil in xiwc'ojlal.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Salmos 34:6

'Ix wal in b'a 'a 'a, yujto caw 'oltac wilxi; yajn̈ej 'ix yab'ni, in scoln can 'el 'a scal smasnil in somc'ojlal.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

Mt 7:7

C'anec, 'oj yac' Dios 'ayex; sayec, ax schax eyu'uj. 'Awjan̈c 'och 'a te puerta, 'oj jacxoc te 'ayex.

Salmos 43:3

Ch'ox a sacq'uinlal 'ayin yet' a paxti caw yel, sec wach' a 'oj in ch'oxn 'a a b'e tzc'och 'a lum tzaln yic 'emmquilal 'a 'ajtil cajn ach 'eq'ui.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Salmos 138:3

A yic xwaln in b'a 'ayach, in a ta'wej, 'ix a'n in te'nal yic x'ochx wip.

Salmos 99:9

Ex wit chon̈ab', ¡Calc wach' paxti 'a Jehová qui Diosalec! 'Em coyc cumn 'a yojltac 'a lum tzaln yic yaji, yujto a qui Diosalec, Dios Cojxn̈ej Toni.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Salmos 18:3

Mamin Jehová, smoj ton wal yalx wach' paxti 'ayach. A yic tzin 'awj 'ayach, yajn̈ej tzin a coln 'el 'a yol sc'ab' eb' 'ajc'ojl yajch 'ayin.

Salmos 27:6

'Ixta 'oj waj in colchj can 'el 'a yol sc'ab' eb' 'ajc'ojl oyn 'och 'ayin, ax wa'n in xajmb'al 'a yatut Jehová. 'Oj in b'itn yet' in tzaljc'ojlal, ax waln wach' paxti 'a 'a.

Salmos 28:7

Mamin Jehová ach 'aych 'och wipoc, 'aych 'och wen̈loc 'icha junc q'ue'en; ach wa'ch yipc in c'ojol, caw ach colwjn̈ej wet'oc. Yuj cha, caw wal tzin tzalji, 'oj in b'itnoc a b'i, ax waln yuj diosal 'ayach.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Salmos 84:12

Mamin Jehová, smasnil tas tztac' o'oj, caw wach' yic eb' tzach 'a'n 'och yipc sc'ojol.

Salmos 89:19

Mamin Jehová, a 'a yic pecti cha, 'icha waychil 'ix otj paxtinc a b'a 'a eb' a checb' caw 'aych sc'ojl 'ayach. 'Ix aln 'a eb' 'ixtic: A 'a scal eb' in chon̈b' tic, ata xin sic' 'elt jun winc caw jeln ya'n owal, an 'ix wac' q'ue'choc 'a yopiso, an tzin colwj yet'oc.

Salmos 119:114

Ach ton 'aych 'och wet'oc, in Colmal aji; a 'a paxti tic, a tzwa'ch yipc in c'ojol.

Pr 2:7

A Jehová tzcolwj 'a eb' wach' snab'en, atn eb' tzb'ey 'a stojlal.

Lm 3:56

Caw in tew 'ayach yic tzin a colni. 'Ix ab' tas xin c'ana.