Salmos 3:3 - Chuj San Sebastian Bible

³ Palta wojtac to in Colmal aji, ach tzin ej cha'an̈, tza'n in te'nal.

Chuj San Mateo Bible

³ A achxo Mamin, in Columal ach, uuj tzin tzalaji. A ach tzac' in tec'anil.

Salmos 3:3 Referans Kwoze

Salmos 27:6

'Ixta 'oj waj in colchj can 'el 'a yol sc'ab' eb' 'ajc'ojl oyn 'och 'ayin, ax wa'n in xajmb'al 'a yatut Jehová. 'Oj in b'itn yet' in tzaljc'ojlal, ax waln wach' paxti 'a 'a.

Salmos 28:7

Mamin Jehová ach 'aych 'och wipoc, 'aych 'och wen̈loc 'icha junc q'ue'en; ach wa'ch yipc in c'ojol, caw ach colwjn̈ej wet'oc. Yuj cha, caw wal tzin tzalji, 'oj in b'itnoc a b'i, ax waln yuj diosal 'ayach.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Salmos 119:114

Ach ton 'aych 'och wet'oc, in Colmal aji; a 'a paxti tic, a tzwa'ch yipc in c'ojol.

Is 60:19

Ata', man̈x 'a tz'och yoc c'u eyuj 'a c'ual, man̈x 'a tz'och yoc 'uj eyuj 'a 'ac'wal, yujto an Jehová in, an 'oj wac' in sacq'uinlal 'ayx 'a jun 'ejmn̈ej; an e Diosal in tic, an 'oj ex wac' b'inaxoc.

Salmos 62:7

A 'a Dios tzcot in colnb'il, yuj cha 'ay wel'chi; a 'aych wen̈loc, ata tzin col in b'a.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Salmos 110:7

A 'a yol b'e ata 'oj oc' a b'eymal a', ax yochx ep jun 'ejm xo.

Salmos 4:3

'Ojquejec 'eli to a Jehová a 'ix si'n 'elt eb' 'aych snab'en 'a 'a, yic tz'och eb' yico'oc; a yic tzin 'awji, tzin sta'wjn̈ej.

Apoc 21:11

Caw tzictzni jun chon̈b' chi yuj sacq'uinlal Dios. Caw tzictzni 'icha junc q'uen caw chan̈ stojol, 'icha q'uen jaspe. Lajn yilx yet' junc cristal, tzc'axw 'ec' qui sat 'a spatic.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

Gn 40:13

Chab'ej 'oj el 'a preso tic yuj win rey, ax ochx 'a a munljel jun 'ejm xo, 'icha xon aj 'a yic yalan̈.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

A Ch'an̈ Schab'il Libro Yic Yab'ixal Eb' Rey 25:27

A yic 27 yoch slajchwil 'uj yic 37 ab'il xo yijx 'at rey Joaquín presoal 'a Babilonia, 'ix 'och Evil-merodac reyl 'a Babilonia cha. A yic yab'lil nant yoch reyl cha, 'ix sch'oxn swach' nab'enal 'a Joaquín sreyl Judá, 'ix yi'n 'elt 'a preso.

A Ch'an̈ Schab'il Libro Yic Yab'ixal Eb' Rey 18:30

Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosalec. Ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

A Ch'an̈ Schab'il Libro Yic Yab'ixal Eb' Rey 18:32

'Oj ec' jun tiempoal eyuj 'ixta', ax wul ex yi'nc eb' soldado win qui reyl on̈, ax ex 'at ya'n win can 'a jun lum lum to lajn yet' eyic tic, tz'el trigo, tz'el uva 'a sat lu'um, ax e b'on e pan, ax eyu'n yal uva, yet' yal chab', slumal olivo yet' aceite, wach' 'oj 'ec' eyu'uj, ma'oj e chami. Palta man̈ e cha eyab' tas tzyal Ezequías cha, yujto ton̈j tzex yixtj paxti' yic tzyaln 'ixtic: A Jehová 'oj qui colnec, xchi cob'i'.