Salmos 28:3 - Chuj San Sebastian Bible

³ Man̈ junc tzotj e'n 'ec' in q'uinl yet' eb' maysch'olnil sb'eyb'al. Wach' cob' tzyutj paxtinc sb'a eb', palta ax 'a snab'en eb', cojxn̈ej maysch'olnil nab'il yuj eb'.

Chuj San Mateo Bible

³ Man̈ ac' in yaelal icha tzutej eb' sc'ulan chucal, aton eb' stz'acan yal vach' lolonel d'a eb' yetanimail, palta an̈ej chucal sna eb' d'a spatic eb' anima chi'.

Salmos 28:3 Referans Kwoze

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Salmos 12:2

Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Salmos 26:9

Man̈ junnjoc tzotj e'n 'ec' in q'uinl yet' eb' maysch'olnil sb'eyb'al. Man̈ in a mil cham yet' eb' milm cham 'anma'.

Miqueas 3:5

Ax Jehová 'ix yaln 'ayn 'ixtic: A eb' in chon̈b' tic, caw 'aych eb' 'a yol jun b'e man̈ tojloc. Smulyujoc eb' tzyalch sb'a in checb'oc, tz'ixtx paxti eb' in chon̈ab'. Tzcob' yal eb' 'a eb' in chon̈b' tic, to 'ay junc'ojlal 'a eb' tz'a'n tas wach' tzc'ux eb'. Ax eb' matz 'a'n tas tzc'ux eb' cha, tzyac' eb' owl yet' eb'. Yuj cha, tzwaln yuj jun tzo'n̈ checb' chi 'ixtic:

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Salmos 62:4

Cojn wal tas tz'aj sat 'ejm in b'inab'ilal, an̈j chi tze na'b'tan̈ej. Cojxn̈ej wal 'a'j 'es tze chamc'ojlej. Tzeyal cob' wach' paxti 'ayin, palta ax yet' e nab'en to tzin e catb'ej cani.

Salmos 36:4

A yic teln 'ec' eb' 'a sat sch'at, cojn maysch'olnil tzna eb'; mitz'tz'i yec' snab'en eb' sb'on tas tu'. Matz yal sc'ojl eb' tzyij 'el sb'a 'a maysch'olnil.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Salmos 7:14

'Iltec wal eb' tzb'on maysch'olnil, tzna chan̈ eb' tas tu 'a spatc yit 'anma'il. Tzyamn 'och eb' ya'n 'es 'a eb', cojn 'ixtj 'anma tzb'o eb'.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Salmos 10:7

Cojn catb' paxti tzyal eb', tzlaj ya'n eb' 'es, tzlaj xib'tw eb' yet' spaxti', an̈j maysch'olnil tzyal eb'.

Nm 16:26

'Ix yaln 'ixtc 'a smasnil eb' 'anma cha: —'Ijec 'el e b'a 'a stz'ey smantiado jun tzo'n̈ 'anma maysch'olnil snab'en tic, man̈ eyam junc tas 'ay 'a eb', ax to laj x'aji, locn ex tzex cham yuj smul eb', xchi.

Salmos 141:4

'Ac' wi'l in nab'en 'a tas maysch'olnil, man̈ in a chaj 'at 'a scal b'eyb'al to maysch'olnil, yet' 'a tas man̈ wach'c tzc'ux eb' tzb'on maysch'olnil 'a sq'uin̈.