Salmos 28:1 - Chuj San Sebastian Bible

¹ Mamin Jehová, cojxn̈ej 'aych 'aj 'oj wal in b'a, yujto 'icha to in n̈aq'uen aji. Man̈ e'l a sat 'ayin. Toto tzej 'el a sat 'ayin, to 'ixta', ax 'ijnoc am in 'atcn 'a scal eb' chamnc cha.

Chuj San Mateo Bible

¹ Mamin Jehová, an̈ej d'ayach sval in b'a, icha n̈aq'ueen aj d'ayin, man̈ ach b'at mican d'ayin. Tato max ach colvaj d'ayin, aton val in b'at d'a scal eb' chamnac chi' b'ian.

Salmos 28:1 Referans Kwoze

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Pr 1:12

Yol wal stzatzl 'ay ax qui yamnec coti, 'oj qui satc can 'eli,

Salmos 83:1

Ach in Diosal man̈ ach can 'a sictaquil, man̈ ach 'och wa'an.

Apoc 20:3

'Ix sjuln can 'at 'a yol jun xab' olan. Xlajw cha, 'ix smacn can sti jun xab' oln cha. 'Ix ya'n can 'och jun seyo 'a 'a, sec man̈xtzac stac' yixtn paxti win eb' 'anma 'a junjn nacion̈, masnto tz'acw jun mil ab'il. At 'a yic 'oj lajwc jun mil ab'il cha, ax yajx 'elt win jab'ocx tiempoal.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Job 33:28

a xyutej, to in scol-l 'a yol sc'ab' chamel, yuj cha, tzat wil jab'x sacq'uinl tic, 'oj xchioc.

Is 38:18

A mach 'ayx 'ec' 'a campusan, man̈x 'oj stac' yaln eb' swach' paxti 'ayach, toc 'ojt yi' chan̈ eb' chamnc chi a b'i, a eb' 'anma 'emnc xo a yol sjulal, toc 'ayt tas 'aych yipc sc'ojl eb' 'a tas alb'il can o'oj.

Salmos 35:22

Mamin Jehová, 'ix eln̈j smasnil jun tzo'n̈ tic, man̈ ach can 'a sictaquil. Man̈ e'l a b'a 'a in tz'ey.

Salmos 30:9

¿Tas to a ganar wet'oc, q'uinloc tzin chami, tzlajw cha, tzin mucxi? Ax in poccal ¿tom tztac' to ach sb'itnani? ¿Tom tztac' to yaln wach' paxti 'aych yuj tas wach' tza b'o'o?

Salmos 22:2

Sc'ual yac'wlil wawj 'ayach, palta matz in a ta'wej, may 'iljelal wawji.

Salmos 3:4

A yic tzin 'awj 'aych Mamin Jehová, tzach ta'w cot 'ayn 'a jun tzaln to ecn̈ej yaji.

Salmos 77:1

Caw 'ip 'ix wal in b'a 'a Dios, sec tzyab' tas tzwala.

Salmos 69:15

Man̈ in a cha 'ijxoc 'at yuj jun 'icha a 'elmal a cha. Man̈ in a cha 'atcn 'a jun 'icha xab'l yich a', yic tzin satcn 'ejm ta'.

Salmos 142:1

Mamin Jehová, caw wal 'ip waln in b'a 'ayach, tzwac' 'ip in c'ann 'ayach to tz'o'ch a c'ojl 'ayin.

Salmos 39:12

Mamin Jehová, 'ab' wal in lesal, 'a' cot wal a chicn 'ayin yic tzwaln in b'a 'ayach. Man̈ ton̈joc tzach 'och q'ueln 'ayin yic tz'el yal in sat, yujto 'e'lb'a wec' 'a a sat, 'icha 'e'nc eb' in mam wicham.

Salmos 42:9

Tzwaln wal 'ixtc 'ayach: Ach in Diosal, in Colmal ach, ¿tas yuj in 'atcn 'a satc'ojlal o'oj? ¿Tas wal yuj cusc'ojlaln̈ej wec' yuj eb' 'ajc'ojl yajch 'ayin? xin chi 'ayach.

Salmos 30:4

Ex to yic ex xo Jehová wet'oc, b'itn̈ coyc 'a 'a, calc wach' paxti 'a jun mach to Niwn Yel'chi.

Salmos 142:2

A 'a ojltac ata tz'at wal in b'a, a 'a ojltac ata tz'at wal in cusc'ojlal.