Salmos 27:8 - Chuj San Sebastian Bible

⁸ Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Chuj San Mateo Bible

⁸ Mamin Jehová, a in pensar ix alan d'ayin to tzin nitzcot in b'a d'a a tz'ey. Yuj chi' svac' vip in nitzanoch in b'a d'a a tz'ey chi'.

Salmos 27:8 Referans Kwoze

Salmos 105:4

Ca'c 'och Jehová yipc qui c'ojol; c'och coyc 'a yojltac 'a smasnil tiempo.

Salmos 119:58

Wal 'a smasnil in c'ojol, 'ix waln in b'a 'ayach; 'ay cab' a chamc'ojlal 'ayin, 'icha yaln a paxti'.

Salmos 24:6

Yowlal 'ixta 'oj sb'o eb' nab'il Dios yu'uj, atn eb' tznib'j tzc'och 'a yojltac qui Diosalec an̈ yin̈tl on̈c Jacob tic.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Jn 11:29

Xlajwn̈ej yab'n 'ix María jun cha, 'ix q'ue lin̈njoc 'ix muc'uc. 'Ix 'at 'a 'aj 'ayc' Jesús cha.